ஜாக்கி சான், ஜெட் லீ முதன் முறையாக இணைந்து நடிக்கும் "The Forbidden Kingdom"

அடுத்த மாதம் வெளியாகும் இந்த திரைப்படத்தில் ஜாக்கி சானும் ஜெட் லீயும் முதன் முறையாக இணைந்து நடித்துள்ளனர். பல நூற்றாண்டுகளுக்கு முன் நடக்கும் மாயாஜால கதையான இதில் ஜெட் லீ சிறை பிடிக்கப்பட்ட அரசனாக நடித்துள்ளார் .

தற்போதைய காலத்தில் ஒரு இளைஞன் பழம் பொருள் கடையில் துழாவும் போது கிடைக்கும் ஒரு சிலம்பாட்ட கழி அவனை பல நூற்றாண்டுகளுக்கு முன் அழைத்து செல்கிறது. அங்கு நடக்கும் சம்பவங்களே கதை.ஜாக்கி சான் பேசுகையில், தனது இத்தனை வருட திரைப்பட சண்டை காட்சிகளில் ஜெட் லீயோடு நடித்தது மிகவும் வசதியாக இருந்தது எனவும் ஒரே தடவையில் ஒவ்வொரு சண்டை காட்சியையும் எடுத்து முடித்ததாகவும் குறிப்பிடுகிறார்.