தசாவதாரத்தில் எந்த கமல் பேசப்படுவார்?

தசாவதாரம் படத்தில் கமலஹாசன் பத்து வேடங்களில் நடிக்கிறார் என்பது அனைவருக்குமே தெரியும். ஆனால், அவை எந்தெந்த வேடங்கள் என்பதன் முழு விபரம் தற்போது வெளியாகியுள்ளது.

ராமானுஜர், ஜார்ஜ் புஷ், 95 வயது கிழவி, எட்டடி உயர மனிதர் கலிபுல்லா கான், விஞ்ஞானி, தொழிற் சங்கத் தலைவர், வெள்ளைக்கார வில்லன், சிபிஐ அதிகாரி பலராம், சீன தற்காப்புக் கலை வீரர் மற்றும் சர்தார்ஜி ஆகியவை அந்தக் கதாப்பாத்திரங்கள்.

இவற்றில் ராமானுஜர், சிபிஐ அதிகாரி பலராம், விஞ்ஞானி மற்றும் சர்தார்ஜி ஆகிய வேடங்களின் புகைப்படங்கள் மட்டுமே வெளியிடப்பட்டுள்ளன.ஏனைய கதாப்பாத்திரத்தின் புகைப்படங்கள் இன்னும் ரகசியம் காக்கப்படுகின்றன. இந்தச் சூழலில் , பத்து கமலஹாசன்களில் எந்த நபர் பேசப்படுவார் என்பதே டாக் ஆஃப் தி கோலிவுட்.

அபூர்வ சகோதரர்களில் 'குள்ள' கமல், மைக்கேல் மதன காம ராஜனில் சமையல்காரர் கதாப்பாத்திரங்கள் வெகுவாக கவனத்தை ஈர்த்தன.

அந்த வகையில், தசாவதாரத்தில் கிழவிக் கமலும், சர்தார்ஜி கமலும், வெள்ளைக்கார வில்லனும் பேசப்படுவது உறுதி என்கிறது கோலிவுட் வட்டாரம்.

நன்றி: யாஹூ