அமெரிக்க குப்பைக்கு தமிழ்நாடு தான் கிடைச்சுதா? - ஒரு அதிர்ச்சி வீடியோ ரிப்போர்ட்

கிட்டத்தட்ட 890 டன்கள் உடல் தீங்கு விளைவிக்கும் குப்பை பொருட்கள் தமிழ்நாட்டில் தூத்துக்குடி துறைமுகத்தில் 35 கண்டெய்னர்களில் கிடத்தி வைக்கப்பட்டுள்ளது. அதுவும் மூன்று வருடங்களாக.2005 ஆம் ஆண்டு நியூஜெர்சி,அமெரிக்கா விலிருந்து அனுப்பப்பட்ட இந்த குப்பை பொருட்கள் ஒரு இந்திய நிறுவனத்தின் "பழைய பேப்பர்" இறக்குமதிக்காக பெறப்பட்டுள்ளது.



(நன்றி:Times Now)
ஆனால் வெறும் பழைய பேப்பர் மட்டுமில்லாமல் பாலிதீன் பைகள்,கோக் பாட்டில்கள்,பூச்சி மருந்து பைகள்,உபயோகபடுத்தப்பட்ட பேட்டரிகள் மற்றும் உலோக கம்பிகள் ஆகியவற்றை கொண்டுள்ளன.மேலும் புற்று நோயை ஏற்படுத்தும் பொருட்களும் இதில் அடங்கியுள்ளன என்பது அதிர்ச்சியான செய்தி.

2007 இல் சென்னை உயர் நீதி மன்றம் இதற்காக ஒரு கமிட்டி நியமித்தது.அதன் ஆய்வறிக்கையில் இந்த கழிவு பொருட்கள் சுற்றுப்புற சூழ்நிலைக்கும் மக்களுக்கும் பெரும் தீங்கு இழைக்கும் என கூறியது.இதை தொடர்ந்து சென்னை உயர் நீதி மன்றம் இந்த குப்பைகளை மீண்டும் நியூஜெர்சி,அமெரிக்கா விற்கே திருப்பி எடுத்துச் செல்லப் படவேண்டும் என தீர்ப்பளித்தது.

ஆனால் இன்னும் அந்த குப்பைகள் துறைமுகத்திலேயே உள்ளன.இந்திய நிறுவனம் அதை திருப்பி அனுப்பும் பொறுப்பை ஏற்று கொள்ள மறுக்கிறது.அமெரிக்க நிறுவனமும் இந்த குப்பைகளை திருப்பி எடுத்து கொள்ள மறுக்கிறது.மாசு கட்டுப்பாடு அமைப்பின் அதிகாரி BP சுக்லா கூறுகையில் இந்த மாதிரி கழிவு பொருட்கள் இந்தியாவினுள் இருக்க அனுமதிக்க பட முடியாது என்கிறார்.

இது போன்று கழிவு பொருட்கள் வருவது இது முதல் முறை அல்ல என்றும் ஏற்கனவே இது போல பல முறை வந்துள்ளதாகவும் துறைமுக அதிகாரிகள் தெரிவிக்கின்றனர்.
2007 ஆம் ஆண்டு நியூயார்க்கில் இருந்து கொச்சியில் வந்திறங்கிய தீங்கு விளைவிக்கும் கழிவு பொருட்கள் திருப்பி அனுப்பபட்டன.ஆனால் யாரும் பொறுப்பெடுத்து கொள்ளாததால் இன்னும் அந்த 890 டன்கள் கழிவுப் பொருட்கள் தூத்துக்குடி துறைமுகத்திலேயே கிடக்கின்றன.