கூகுளின் முதல் தகவல் நினைவக பெட்டகம்(Data Storage)-மியூசியத்திலிருந்து

கூகிளை உருவாக்கிய லாரி பேஜ்(Larry Page),செர்ஜி பிரின்(Sergey Brin)இருவரும்
1996 இல் ஸ்டான் ஃபோர்ட் பல்கலை கழகத்தில் ஆராய்ச்சி படிப்பு படித்து கொண்டிருக்கும் போது துவங்கிய டிஜிட்டல் லைப்ரரி ப்ராஜெக்ட்(Digital Library Project)என்பதே பின்னாளில் கூகிள் தேடு பொறியானது.இந்த திட்டத்தின் போது அவர்களுக்கு தகவல்களை சேகரித்து வைக்க அதிகமான நினைவகம் தேவைப்பட்டது.அந்த கால கட்டத்தில் மிக அதிக நினைவகமாக கருதப்பட்டது 4GB ஹார்ட் டிஸ்க்களே.ஆகவே லாரியும்,செர்ஜியும் பத்து 4GB நினைவகங்களை வாங்கி அவற்றை ஒன்று சேர்த்து 40GB நினைவகம் ஆக்கினர்.LEGO எனப்படும் குழந்தைகள் பொம்மை கட்டிடங்கள் செய்து விளையாடும் பிளாஸ்டிக் கட்டுகளை கொண்டு அவற்றை பெட்டி போல் செய்தனர்.

மிகுந்த சிரமங்களுக்கு இடையில் கூகிள் ஆரம்பித்த புதிதில் கூட அவர்களுக்கு டெர்ரா பைட் நினைவகம் தேவைப்பட்டது. அவற்றை வாங்க அப்போது நண்பர்கள் தான் பொருளுதவி செய்தனர்.

பின்னாளில் கூகிள் தோன்றிய பிறகு அந்த பழைய LEGO நினைவகம் பல்கலையின் அருங்காட்சியகத்தில் வைக்கப்பட்டது.இது அந்த நினைவகம்..


லாரி,செர்ஜி உபயோகித்த கணினிகள்

செய்தி:
Google's First Data Storage