வீடியோ: அதிசய,அரிய வகை ஒளி ஊடுருவும்(See through) தலை மீன்

MBARI என்னும் கலிபோர்னியாவை சேர்ந்த Monterey Bay நீர் வாழ் உயிரின காட்சி ஆராய்ச்சி நிலையத்தை(Monterey Bay Aquarium Research Institute )சேர்ந்த விஞ்ஞானிகள் ப்ரூஸ் மற்றும் கிம் சமீபத்தில் கடலடி ரோபோக்களான ROV(Remotely operated Vehicles)மூலம் செய்த ஆராய்ச்சியில் இந்த அதிசய பீப்பாய் கண் மீனை(Barreleye Fish)[விலங்கியல் பெயர்:Macropinna microstoma] பற்றிய அதிக விவரங்கள் தெரியவந்துள்ளன.1939 ஆம் ஆண்டு கண்டறியப்பட்ட இந்த மீனை ஆராய்வது கடந்த 50 வருடங்களுக்கு மேலாக உயிரியல் ஆராய்ச்சியாளர்களுக்கு பெரும் சவாலாக இருந்து வந்தது.இந்த அரிய பீப்பாய் கண் மீன் வகை கடலடியில் 2000 அடிகளில் சூரிய வெளிச்சம் சரியாக குறைந்து இருட்டு ஆரம்பிக்கும் ஆழத்தில் வசிப்பவை.

தற்போது கடலடி ரோபோக்களை உபயோகித்து இதை படம் பிடித்து பின்னர் கவனமாக ஆராய்ச்சி நிலையத்திற்கு கொண்டு வந்து ஆராய்ந்து வருகின்றனர்.இந்த மீனின் சிறப்பம்சம் ஒளி ஊடுருவும் இதன் தலைப்பகுதி.மிக சிறப்பான பச்சை நிற பெரிய கண்களை உடையது.அந்த கண்கள் மூலம் ஒளி ஊடுருவும் தலை பகுதியை உபயோகித்து தலையை அசைக்காமல் தலைக்கு மேலே உள்ள விசயங்களை பார்க்க முடியும்.எதிரிகளிடமிருந்து காப்பாற்றிக்கொள்ளவும்,இரையை கவ்வவும் மிகவும் உபயோகமாக உள்ளது.கடலடி சூழ்நிலைக்கேற்ப இந்த மீன் பரிணமித்துள்ளது.

இந்த மீனின் தலை பகுதி மிக தெளிவான தூய நீர் நிரம்பி உள்ளது.பல மணி நேரம் நீரில் அசையாமல் நிற்கும் திறன் கொண்ட இம்மீன் தனது பெரிய பச்சை நிற கண்கள் மூலம் அசையாமல் எல்லா பக்கமும் பார்க்கும் திறன் கொண்டது.இந்த மீன் மேல்புறம் பார்க்கும் போது இதன் கண்களில் மேல் புறம் உள்ள பச்சை நிறமிகள்(Pigments)சூரிய வெளிச்சத்தை கண் கூசாமல் தடுத்து கட்டுப்படுத்துகிறது.இந்த வீடியோவில் பேசுவது இதன் ஆராய்ச்சியாளர் ப்ரூஸ்.(இது அதி துல்லிய வீடியோ(High Definition Video)ஆதலால் படம் ஓடுவது இணைய இணைப்பின் வேகத்திற்கேற்ப சற்று தாமதமாகலாம்)

read more "வீடியோ: அதிசய,அரிய வகை ஒளி ஊடுருவும்(See through) தலை மீன்"

உலகின் முதல் ATM இயந்திரம்

எந்த நேரத்திலும் பணம் எடுத்து கொள்ளவும்,வங்கி பரிவர்த்தனைகள் செய்யவும் இன்று ATM களின் பங்கு அன்றாட வாழ்வில் முக்கியமானது.நகரங்களில் மட்டுமன்றி சிறிய ஊர்களிலும் ATM கள் புழக்கத்திற்கு வந்து வங்கிகளுக்கு அருகே மட்டுமின்றி வணிக அங்காடிகள்,ரயில்,விமான நிலையங்கள் மற்றும் மக்கள் அதிகம் புழங்கும் இடங்களிலும் வந்து இன்று அன்டார்டிகாவிலும் ஒரே ஒரு ATM இருக்கிறது.உலகின் தென்கோடி ATM இதுவே ஆகும்.

ATM கண்டுபிடித்த ஜான் ஷெபர்ட் பாரன்

உலகின் முதல் ATM பார்க்லேஸ்(Barclays) வங்கியால் 1967 ஆம் ஆண்டு வடக்கு லண்டனில் உள்ள என்பீல்ட் டவுன்(Enfield Town) என்னுமிடத்தில் அமைக்கப்பட்டது.ஜான் ஷெபர்ட் பாரன்(John Sheperd Barron) கண்டுபிடித்த ATM இயந்திரத்தை பற்றி அவர் கூறும் போது,காசு போட்டால் சாக்லேட் தரும் இயந்திரத்தின் இயங்குமுறையை அடிப்படையாக கொண்டே ATM இயந்திரத்தை கண்டுபிடித்ததாக கூறுகிறார்.அப்போதே PIN எண்ணை உள்ளீடும் முறை கண்டுபிடிக்கப்பட்டு விட்டது.முதலில் ஆறு எண்களை கொண்டு PIN எண்ணை உபயோகிக்கலாம் என நினைத்த அவர் மனைவி நான்கு எண்களுக்கு மேல் தன்னால் நினைவில் வைத்து கொள்ளமுடியாது என சொன்னதால் ஷெபர்ட் நான்கு எண்களை ATM இயந்திரத்திற்கு PIN எண்ணாக வைத்தார்.அதுவே இன்று உலக அளவில் எல்லா ATM இயந்திரங்களிலும் உபயோகப்படுத்தப்படுகிறது.

ரெக் வார்னி முதன் முதலாக ATM மூலம் பணம் எடுக்கும்போது

முதல் முதலில் ATM இயந்திரத்தை உபயோகப்படுத்தி பணம் எடுத்தவர் இங்கிலாந்து தொலைக்காட்சி நாடக நடிகர் ரெக் வார்னி(Reg Varney).ஒரு முறை உபயோகித்தால், ஒரு 10 பவுண்ட் நோட்டை மட்டுமே மெல்லிய காகித பையில் வைத்து கொடுத்தது இந்த முதல் ATM இயந்திரம்.

read more "உலகின் முதல் ATM இயந்திரம்"

உலகின் முதல் தொடுதிரை 3 ஜி செல்பேசி கைகடிகாரம்:வீடியோ

இதுவரை ஜேம்ஸ் பாண்ட் படங்களில் மட்டும் பார்த்துக்கொண்டிருந்த இது போன்ற சாதனம் தற்போது சந்தையில் விற்பனைக்கு வரவுள்ளது.LG நிறுவனம் வெளியிட்டுள்ள இந்த உலகின் முதல் தொடுதிரை(Touch Screen)3 ஜி செல்பேசி கைகடிகாரம்,தற்போது சந்தையில் உள்ள
3ஜி செல்பேசிகளை விடவும் சிறப்பான வசதிகளை கொண்டுள்ளது.சில வாரங்களுக்கு முன்பு லாஸ் வேகசில் நடைபெற்ற நுகர்வோர் மின்னணு கண்காட்சியில் பொதுமக்களுக்கு முதலில் காண்பிக்கப்பட்ட இந்த கைகடிகாரத்தின் சிறப்பம்சம் நம் பேச்சை புரிந்து கொள்ளும் திறமை(Speech recognition)மற்றும் குரல் ஆணைகள்(Voice Commands).

சில செல்பேசிகளில் இந்த அம்சம் இருந்தாலும்,இந்த செல்பேசியில் இது மிகவும் மேம்படுத்தப்பட்டுள்ளது.ஒருவரை தொலைபேசியில் அழைக்கவும்,இதில் உள்ள mp3 ப்ளேயரை உபயோகித்து பாடல் கேட்கவும் குரலால் ஆணையிட்டால் போதுமானது.தொடுதிரை வசதி வழக்கம்போல அசத்தல்.மேலும் mp3 பிளேயர்,ப்ளுடூத் வசதிகளையும் கொண்டுள்ளது.இதனோடு ப்ளுடூத் ஹெட் செட்டும் இணைந்தே வருகிறது.இந்த தொடுதிரை செல்பேசி கைகடிகாரம் பற்றிய துல்லிய வீடியோவை காணுங்கள்.

read more "உலகின் முதல் தொடுதிரை 3 ஜி செல்பேசி கைகடிகாரம்:வீடியோ"

இரு ஆஸ்கர் விருதுகளோடு ரஹ்மானின் பேட்டி- வீடியோ

இரண்டு ஆஸ்கர் விருதுகளையும் வென்ற பின்னர் விருதுகளோடு ரஹ்மான் ஒளிப்படங்களுக்கு அமர்வது, மற்றும் சிறு பேட்டியின் வீடியோ.

read more "இரு ஆஸ்கர் விருதுகளோடு ரஹ்மானின் பேட்டி- வீடியோ"

ஹாலிவுட்டை தாக்கிய தமிழக இசைப்புயல்:இரண்டு ஆஸ்கர் விருதுகளை வென்றார் ரஹ்மான்

தற்போது ஹாலிவுட்டில் கொடாக்(Kodak) அரங்கத்தில் நடைபெற்றுவரும் 81 வது ஆஸ்கர் விருதுகள் வழங்கும் விழாவில் Slumdog Millionaire திரைப்படத்திற்காக சிறந்த
பாடலுக்கான பிரிவில் A.R.ரஹ்மான் மற்றுமொரு ஆஸ்கர் விருதை வென்றார். போட்டியிட்ட இரு பிரிவுகளிலும் வென்றார் ரஹ்மான்.

read more "ஹாலிவுட்டை தாக்கிய தமிழக இசைப்புயல்:இரண்டு ஆஸ்கர் விருதுகளை வென்றார் ரஹ்மான்"

***ஆஸ்கர் வென்றார் A.R. ரஹ்மான்***

சற்று முன் கிடைத்த தகவல்.தற்போது ஹாலிவுட்டில் கொடாக்(Kodak) அரங்கத்தில் நடைபெற்றுவரும் 81 வது ஆஸ்கர் விருதுகள் வழங்கும் விழாவில் Slumdog Millionaire திரைப்படத்திற்காக சிறந்த இசையமைப்புக்கான பிரிவில் A.R.ரஹ்மான் ஆஸ்கர் வென்றார்.பலத்த கரவொலிகளுக்கு இடையே மேடையேறிய ரஹ்மான் அனைவருக்கும் நன்றி தெரிவித்த ரஹ்மான் தமிழில் எல்லா புகழும் இறைவனுக்கே என்று கூறி விடைபெற்றார்

விரைவில் ரஹ்மான் ஆஸ்கர் பெற்ற வீடியோவை பதிவிடுகிறேன்.

read more "***ஆஸ்கர் வென்றார் A.R. ரஹ்மான்***"

ரோபோக்கள் சமைக்கவும் ஆரம்பித்து விட்டன

நம்ம ஊர் ஊத்தப்பம் போன்ற இந்த ஒகநோமியாகி(Okonomiyaki)என்னும் ஜப்பானிய உணவு வகையை மோட்டோ மேன்(Moto Man)என்னும் ரோபோ தயார் செய்கிறது.எந்த மாதிரியான சுவையில் வேண்டும் என்று வாடிக்கையாளரிடம் கேட்டு அதன் படி சமைக்க தெரியும் இந்த ரோபோவிற்கு.கிண்ணத்தை வழித்து மாவை ஊற்றி அந்த ஊத்தப்பத்தை திருப்பி போடும் லாவகம் அருமை.ரோபோ மாஸ்டரிடம் முறுகலான நெய் ரோஸ்ட் போடச் சொல்லிவிட்டு ஆசுவாசமாக உணவகத்தில் அமரும் நாள் விரைவில் வந்துவிடும் போல தெரிகிறது :-))

read more "ரோபோக்கள் சமைக்கவும் ஆரம்பித்து விட்டன"

மீன் வேட்டையாடும் பறவை: மாறுபட்ட கோணத்தில்

வித்தியாசமாக கேமராவை வைத்து எடுக்கப்பட்ட சிறிய வீடியோ

read more "மீன் வேட்டையாடும் பறவை: மாறுபட்ட கோணத்தில்"

The International-திரைப்பட முன்னோட்டம்

இந்த திரைப்படத்தின் இயக்குனர் Tom Tykwer இதற்கு முன் Perfume,Run Lola Run போன்ற திரைப்படங்களை இயக்கியுள்ளார்.ஒரு வங்கி செய்யும் ஊழலை கண்டுபிடிக்கும் அதிரடி திரைப்படம் The International.

read more "The International-திரைப்பட முன்னோட்டம்"

முதன்முறை அமெரிக்க,ரஷ்ய சாட்டிலைட்டுகள் விண்ணில் மோதிக்கொண்டன

கடந்த செவ்வாயன்று சைபீரியாவிலிருந்து 800 கிமீ உயரத்தில் பூமியை சுற்றிக்கொண்டிருந்த அமெரிக்காவின் இரிடியம்(Iridium) சாட்டிலைட்டும் ரஷ்யாவின் காஸ்மோஸ்(Cosmos) சாட்டிலைட்டும் மோதிக்கொண்டன.இந்த மோதலின் விளைவாக நூற்றுக்கணக்கான உடைந்த பகுதிகள் விண்ணில் பூமிக்கு மேலே 500 கிமீ முதல் 1300 கிமீ வரை தெறித்து ஏற்கனவே உள்ள பல ஆயிரக்கணக்கான விண்வெளி குப்பைகளுடன் விண்ணில் சுற்றிகொண்டுள்ளன.

இந்த மோதல் ஏற்பட்டதை விளக்கும் கணினி வரைபடம்.


(Source:Dailymail)
உலகில் முதன்முறையாக ரஷ்யா 1957 ஆம் ஆண்டு ஸ்புட்னிக் துணைக்கோளை விண்ணுக்கு அனுப்பியதிலிருந்து இன்று வரை 6000 துணைக்கோள்கள் விண்ணுக்கு அனுப்பப்பட்டு பூமியை சுற்றிவருகின்றன.அறிவியலாளர்களும் இது போன்ற ஒரு மோதல் நடக்கும் என்பதை அறிந்தே உள்ளனர். இந்த மோதல் நிகழ்ந்ததற்கு கீழே சர்வதேச விண்வெளி நிலையமும் சுற்றிகொண்டுள்ளது. வினாடிக்கு 8 கிமீ வேகத்தில் சுற்றிக்கொண்டிருக்கும் சர்வதேச விண்வெளி நிலையத்தை ஒரு சிறு குப்பை தாக்கினாலும் பெரிய அளவில் பாதிப்பு ஏற்படக்கூடும்.ஆனால் அமெரிக்க,ரஷ்ய துணைக்கோள்கள் மோதிக்கொண்டதன் விளைவாக ஏற்பட்ட குப்பைகள் சர்வதேச விண்வெளி நிலையத்தை பாதிக்காது என அறிவியலாளர்கள் கூறுகின்றனர். விண்ணில் ஆயிரக்கணக்கான துணைக்கோள்களுடன் மேலும் ஆயிரக்கணக்கான விண் குப்பைகள் எவ்வாறு பூமியை சுற்றிக்கொண்டுள்ளன என்பதை இந்த கணினி வரைபடம் விளக்குகிறது.
(Source:ESA)
ஏற்கனவே மூன்று முறை விண் குப்பைகள் துணைக்கோள்கள் மீது மோதியிருந்தாலும்,இரு துணைகோள்கள் மோதிக்கொள்வது இது முதன்முறை.பிபிசி யின் இதுபற்றிய சிறிய படத்தொகுப்பு இங்கே...

(Source:BBC)
அமெரிக்க துணைக்கோள் தகவல் தொடர்புகளுக்க்காகவும், ரஷ்ய துணைக்கோள் ராணுவ வசதிகளுக்காவும் முறையே 1997,1993 ஆம் ஆண்டுகளில் விண்ணில் செலுத்தப்பட்டது.இரிடியத்தின் எடை 560 கிலோ,காஸ்மோஸ் இன் எடை950 கிலோ.இதுபோன்று துணைக்கோள்களால் ஏற்படுத்தப்பட்ட குப்பைகள் இந்த வருட ஆரம்பத்தில் உள்ள கணக்குப்படி சுமார் 17000 இருக்கும் என எதிர்பார்க்கப்படுகிறது.

read more "முதன்முறை அமெரிக்க,ரஷ்ய சாட்டிலைட்டுகள் விண்ணில் மோதிக்கொண்டன"

யாஹூ ப்ரீஃப்கேஸ்(Yahoo! Briefcase) மூடப்படுகிறது,கூகுளின் ஜிடிரைவ்

பத்து ஆண்டுகளுக்கு முன்பு அறிமுகப்படுத்தப்பட்ட யாஹூ ப்ரீஃப்கேஸ்(Yahoo! Breifcase) சேவை வரும் மார்ச் 30ஆம் தேதியுடன் நிறுத்தப்படுகிறது.கோப்புகளை(Files) ஆன்லைனில் சேமிப்பதற்காக,யாஹூ மின்னஞ்சல் முகவரி இருந்தாலே உபயோகிக்கலாம் என 30MB தகவல் கொள்ளளவோடு தொடங்கப்பட்ட இந்த சேவையை யாஹூ பின்னாட்களில் ஏனோ விரிவுபடுத்தவேயில்லை.தற்போது மின்னஞ்சல் சேவைகளே GB அளவுகளில் தகவல் சேமிக்க தருகின்றன.மேலும் கோப்புகளை சேமிக்க விண்டோஸ் ஸ்கை டிரைவ், 4shared போன்ற இலவச சேவைகளும் களத்தில் இருக்கின்றன.இந்த நிலையில் யாஹூ நிறுவனம் இந்த ப்ரீஃப்கேஸ் சேவையை வரும் மார்ச் மாதம் 30ஆம் தேதியோடு நிறுத்தப்போகிறது.மார்ச் 30 ஆம் தேதிக்குள் அதில் சேமித்து வைத்துள்ள கோப்புகளை நாமே தரவிறக்கி வேறிடத்தில் சேமித்து கொள்ளலாம் அல்லது அழித்து விடலாம்.

மிக விரைவில் கூகிள் நிறுவனம் ஜிடிரைவ்(Gdrive) எனும் சேவையை ஆரம்பிக்கப்போவதாகவும்,ஓசையின்றி கூகிள் இந்த சேவையை தயார்படுத்திவருவதாகவும் கணினி தொழில்நுட்ப வல்லுனர்கள் எதிர்பார்க்கின்றனர்.ஆனால் இன்னும் உறுதிபட தெரியவில்லை.அவ்வாறு ஜிடிரைவ் வரும்பட்சத்தில் ஜிடிரைவ் மென்பொருளை கணினியில் நிறுவிய பின்னர் கோப்புகளை டெஸ்க்டாப்,இணைய உலாவி(Browser) மற்றும் செல்பேசிகளிலிருந்து என பல வழிகளில் நிர்வகிக்கலாம்.

read more "யாஹூ ப்ரீஃப்கேஸ்(Yahoo! Briefcase) மூடப்படுகிறது,கூகுளின் ஜிடிரைவ்"

கணினி சந்தையில் உலகின் முதல் 2 TB ஹார்ட் டிரைவ் விற்பனைக்கு வந்துள்ளது

கணினி தொழில்நுட்பத்தில் தகவல்களின்(Data) அளவு நாளுக்கு நாள் அதிகமாகி கொண்டே செல்வது,அந்த தகவல்களை சேமிக்கும் சாதனங்களின் வளர்ச்சியை அதிகமாக்குகிறது.ஒரு காலத்தில் 10.2GB கொள்ளளவு கொண்ட அடர்தட்டை(Hard Drive) வாங்கியபோது இவ்வளவு அதிகம் தேவையா என வினவப்பட்ட நான் இப்போது 250GB உபயோகிக்கிறேன்.தற்போது வெஸ்டர்ன் டிஜிட்டல்(Western Digital)நிறுவனம் சில நாட்களுக்கு முன்பு கணினி சந்தையில் உலகின் முதல் 2TB(Tera Bytes) அளவு தகவல் கொள்ளும் அடர்தட்டை வெளியிட்டுள்ளது.

3.5 இன்ச் சுற்றளவில் நான்கு 500 GB தட்டுகள்(Platters) என 2TB (2000 GB) தகவல் கொள்ளளவு கொண்டுள்ள இந்த அடர்தட்டு மற்ற அடர்தட்டுகளை ஒப்பிடும்போது நாற்பது சதவீதம் குறைந்த மின்சாரத்தை உபயோகிக்கும்.மேலும் இயங்கும் போது சுற்றுப்புற சூழலை காக்க குறைந்த அளவு வெப்பத்தை வெளியிடும்.இதன் சுழல் வேகம் 7200RPM.

தகவல்களுக்காக சொல்வதென்றால்,இந்த அடர்தட்டில் டிவிடி தரத்தில் 880 மணிநேர வீடியோக்களை சேமிக்கலாம்.ஐந்து லட்சத்து எழுபத்து ஓராயிரம் டிஜிட்டல் ஒளிப் படங்களை(Photos) சேமிக்கலாம்.5 லட்சம் mp3 பாடல்களை சேமிக்கலாம்.

read more "கணினி சந்தையில் உலகின் முதல் 2 TB ஹார்ட் டிரைவ் விற்பனைக்கு வந்துள்ளது"

BAFTA வும் வென்றார் A.R. ரஹ்மான்-வீடியோ. Slumdog Millionaire க்கு ஏழு விருதுகள்

ஆஸ்கர் விருதுகளை போலவே இங்கிலாந்தில் வழங்கப்படும் BAFTA(British Academy of Film and Television Arts) விருதுகள் நேற்று லண்டனில் வழங்கப்பட்டன.Slumdog Millionaire படத்திற்காக சிறந்த இசையமைப்பிற்கு இந்த ஆண்டின் BAFTA விருது பெற்றார் ரஹ்மான்.

கோல்டன் க்ளோப் விருதிற்கு பிறகு ரஹ்மானுக்கு கிடைத்திருக்கும் முக்கிய சர்வதேச விருது இது.Slumdog Millionaire திரைப்படம் சிறந்த திரைப்படம்,இயக்குனர்,திரைக்கதை,இசை,
ஒளிப்பதிவு,படத்தொகுப்பு,ஒலிப்பதிவு என 7 விருதுகளைப் பெற்றது.

read more "BAFTA வும் வென்றார் A.R. ரஹ்மான்-வீடியோ. Slumdog Millionaire க்கு ஏழு விருதுகள்"