தமிழ் மசாலா

அசத்தலான வால்பேப்பர்,ஸ்க்ரீன்சேவர்களுக்கு ஒரு இலவச மென்பொருள்

2009-10-18T23:01:00.007-04:00

வால்பேப்பர்,ஸ்க்ரீன்சேவர்கள் மூலம் டெஸ்க் டாப்பை கவரக்கூடிய வகையில் வைத்திருக்க விரும்புபவர்களுக்கு Magnetic ஒரு சிறப்பான இலவச மென்பொருள்.இந்த மென்பொருளை நிறுவிய பின்னர் Magnetic தளத்திலிருந்து பல்வேறு வகையான,ஆயிரக்கணக்கான வால்பேப்பர்களை தரவிறக்கி உபயோகிக்கலாம்.இந்த மென்பொருளின் மற்றொரு சிறப்பம்சம் Photo மற்றும் Animated ஸ்க்ரீன் சேவர்கள்.

மேலும் நாம் எடுத்த புகைப்படங்களையும் இந்த மென்பொருள் மூலம் ஒன்றிணைத்து வால்பேப்பர்களாக உபயோகிக்கலாம்.நாம் விரும்பிய நேர அளவில் வால் பேப்பர்களை தானியங்கி முறையில் மாற்றி கொள்ளலாம்.இந்த இலவச மென்பொருளை தரவிறக்க

http://www.magentic.com/splash/splash.aspx

http://www.magentic.com/download_client.aspx?setup_id=9&version_id=1310955&id=10549

எம்எஸ் ஆஃபீஸில் Tab உபயோகிக்க ஒரு மென்பொருள்

2009-10-18T20:53:00.009-04:00

நவீன இணைய உலாவிகளில்(Browser) தற்போதுள்ள உள்ள Tab Browsing மிக முக்கியமான,உபயோகமுள்ள வசதியாக உள்ளது.வெவ்வேறு தளங்களை அடுத்தடுத்து உலாவ புதிய விண்டோக்களை திறக்க தேவையில்லாமல் ஒரே ஒரு இணைய உலாவி விண்டோவில் Tab மூலம் பல்வேறு இணைய பக்கங்களை திறக்க முடியும்.இணைய உலாவியை போல் நாம் அடிக்கடி உபயோகிக்கும் மற்றொரு மென்பொருள் தொகுப்பு எம்எஸ் ஆஃபீஸ்(MS Office).

ஒரு வேர்ட் டாகுமெண்டை எழுதி முடித்து சேமித்த பின் மற்றொரு வேர்ட் டாகுமெண்டை எழுத மற்றுமொரு வேர்ட் விண்டோ தேவைப்படுகிறது.அதிக அளவில் எம்எஸ் ஆஃபீஸ் டாகுமெண்ட்களை உபயோகிக்கும் போது இது சற்று சிரமமாகவே இருக்கும்.ஒவ்வொரு ஆபீஸ் டாகுமெண்டையும் ஒவ்வொரு விண்டோவாக திறப்பதற்கு பதில் தற்போதுள்ள பிரவுசர்கள் போல் MS Word,MS Excel,MS Power Point மென்பொருட்களை உபயோகிக்க இந்த சிறிய Add-on மென்பொருளான Office Tab பயன்படுகிறது.இது ஒரு இலவச மென்பொருள்.இந்த மென்பொருளை நிறுவிய பின்னர் வரும் Settings பகுதியை விரும்பியவாறு மாற்றிக்கொள்ளலாம்.

இந்த மென்பொருளை தரவிறக்க

http://files.cnblogs.com/wangminbai/OfficeTab_v1.22.zip

இந்த Office Tab மென்பொருள் ஒரு சீன இணைய தளத்திலிருந்து தரவிறக்கப்படுகிறது.அந்த இணைய தளத்தின் URL இணைப்பு

http://hi.baidu.com/officecm/blog/item/19de9c6dcf6276f2431694b0.html

யூடியுபின் 100 புகழ்பெற்ற வீடியோக்கள்

2009-10-05T22:06:00.002-04:00

சமீப காலமாக தின வாழ்வில் நிகழும் சுவாரஸ்யமான,நகைச்சுவையான நிகழ்வுகள் வீடியோ எடுக்கப்பட்டு இணையத்தில் யூடியுப் மற்றும் பல வீடியோ தளங்கள் மூலமாக புகழ் பெறுகின்றன.இவை வைரல்(Viral) வீடியோக்கள் எனப்படுகின்றன.யூடியுபில் இம்மாதிரி ஆயிரக்கணக்கான வீடியோக்கள் காண கிடைக்கின்றன.அவற்றில் 100 புகழ் பெற்ற வீடியோக்கள் இங்கே ஒன்றாக தொகுக்கப்பட்டுள்ளது.

mp3: A.R.ரஹ்மானின் Couples Retreat மற்றும் Blue

2009-10-05T22:05:00.010-04:00

A.R. ரஹ்மான் இசையமைத்துள்ள Couples Retreat என்னும் ஹாலிவுட் திரைப்படம் அக்டோபர் 9 ஆம் தேதி வெளிவருகிறது.இந்த திரைப்படத்தின் Original Sound Track(OST-பின்னணி இசை மற்றும் பாடல்கள்)இங்கே mp3 வடிவில் தரவிறக்க கிடைக்கிறது. ஒரு தமிழ் பாடலும் இதில் அடங்கும்.

http://tamilmp3songs.blogspot.com/2009/09/arrahmans-hollywood-movie-couples.html

http://vellithiramusic.net/?p=2047

A.R.ரஹ்மான் இசையமைத்துள்ள Blue ஹிந்தி திரைப்படத்தின் பாடல்கள் mp3 வடிவில் இங்கே தரவிறக்க கிடைக்கிறது.

http://vellithiramusic.net/?p=1932

மைக்ரோசாஃப்ட் பிங்கின் விஷுவல் செர்ச்(Visual Search)

2009-09-14T22:47:00.011-04:00

ஒரு குறிப்பிட்ட செல்பேசியின் வடிவமைப்பு எப்படி இருக்கும் என உங்களுக்கு தெரிகிறது ஆனால் எந்த நிறுவனத்தினுடையது,பெயர் எதுவும் தெரியவில்லை.ஒரு புகழ்பெற்ற நடிகர் முகம் எப்படி இருக்கும் என உங்களுக்கு தெரிகிறது.ஆனால் அவர் பெயர் நினைவுக்கு வர மறுக்கிறது.உலக புகழ் பெற்ற ஒரு நகரத்தின் படம் உங்கள் நினைவுக்கு வந்து அந்த இடத்தின் பெயர் தெரியவில்லை.இது போன்ற சந்தர்ப்பங்களில் உதவ மைக்ரோசாப்ட் இன்று முதல் தனது பிங்(Bing)தேடுபொறி தளத்தில் விஷுவல் செர்ச்(Visual Search)எனும் புதிய தேடுபொறி(Search Engine)வசதியை அறிமுகப்படுத்துகிறது.

டிஜிட்டல் கேமரா, செல்பேசி, தொலைக்காட்சி பெட்டி, நகரங்கள், திரைப்படங்கள்,புகழ்பெற்றவர்கள்,கார்கள்,புலிட்சர்(Pulitzer)பரிசு பெற்ற புத்தகங்கள்,யோகாசன நிலைகள், புகழ் பெற்ற புத்தகங்கள் என பல்வேறுபட்ட தலைப்புகளில் ஏதேனும் ஒன்றை சொடுக்கினால் ஏராளமான படங்களை சித்திர அடுக்குகளாக காட்டுகிறது.தற்போதைக்கு பீட்டா பதிப்பாக இருக்கும் இந்த விஷுவல் செர்ச் விரிவுபடுத்தப்படும் போது மேலும் பல வசதிகள் இடம் பெறலாம்.

இந்த தளத்தை பயன்படுத்த மைக்ரோசாப்ட்டின் சில்வர் லைட்(Silver Light) மென்பொருளை நிறுவியிருக்க வேண்டும்.இல்லையெனில் தளத்தை பயன்படுத்தும் போது அதுவே நிறுவ உதவும்.

பிங் தொடர்ந்து புதிது புதிதாக பல்வேறு வசதிகளை கொடுத்து கூகிளுடன் போட்டியிடுகிறது. இந்த விஷுவல் செர்ச் இப்போதைக்கு தேடுபொறிகளில் பெரும் மாற்றத்தை உடனே உருவாக்காவிட்டாலும் கூகிளில் இல்லாத வசதியை கொண்டுள்ளது என்பது மட்டுமே இதன் தனித்துவம்.பிங் விஷுவல் செர்ச் தளத்திற்கு செல்ல

http://www.bing.com/visualsearch

ஒரு அசத்தலான சாதனை

2009-09-03T23:39:00.004-04:00

நான்கு சக்கரங்களில் கார் ஓட்டுவதே சிலருக்கு சாதனையாக இருக்கும் போது இங்கு Renault கார் குழு இரண்டே இரண்டு சக்கரங்களில் அதுவும் 16 கார்கள் ஒருசேர ஒரே சமயத்தில் ஒட்டி கின்னஸ் சாதனை புரிந்துள்ளனர். இந்த சாதனை சில வருடங்களுக்கு முன்பே செய்யப்பட்டுவிட்டாலும் இப்போதும் பார்க்க சுவாரஸ்யமாக உள்ளது.

திரைப்பட விசுவல் எஃபெக்ட்ஸ்- 100 வருடங்கள்

2009-08-30T22:58:00.005-04:00

தற்போது ஹாலிவுட் திரைப்படங்களில் மிகமுக்கிய பங்கு வகிக்கும் விசுவல் எஃபெக்ட்ஸ்(Visual Effects)எவ்வாறு கடந்த 100 வருடங்களுக்கு மேலாக வளர்ச்சியடைந்து வந்துள்ளன என்பதை சொல்லும் ஒரு சுவாரஸ்யமான தொகுப்பு.

இந்த தொகுப்பில் இடம்பெற்றுள்ள படங்கள்:

1900 - The Enchanted Drawing
1903 - The Great Train Robbery
1923 - The Ten Commandments (Silent)
1927 - Sunrise
1933 - King Kong
1939 - The Wizard of Oz
1940 - The Thief of Bagdad
1954 - 20,000 Leagues Under the Sea
1956 - Forbidden Planet
1963 - Jason and the Argonauts
1964 - Mary Poppins
1977 - Star Wars
1982 - Tron
1985 - Back to the Future
1988 - Who Framed Roger Rabbit
1989 - The Abyss
1991 - Terminator 2: Judgement Day
1992 - The Young Indiana Jones Chronicles
1993 - Jurassic Park
2004 - Spider-Man 2
2005 - King Kong
2006 - Pirates of the Caribbean: Dead Man's Chest
2007 - Pirates of the Caribbean: At World's End
2007 - The Golden Compass
2008 - The Spiderwick Chronicles
2008 - The Curious Case of Benjamin Button

தொலைந்த சாஃப்ட்வேர் சீரியல் எண்களை மீட்க

2009-08-27T22:35:00.003-04:00

பலவகையான மென்பொருட்களை நமது கணினியில் நிறுவுகிறோம்.அந்த மென்பொருட்களின் சீரியல் எண்ணை குறித்து கொள்ள மறந்து விட வாய்ப்புள்ளது.சில சமயம் அந்த மென்பொருட்களை மீண்டும் நிறுவும் போதோ அல்லது வேறு ஏதேனும் ஒரு சந்தர்ப்பத்திலோ மென்பொருளின் சாப்ட்வேர் சீரியல் எண் தேவைப்படுகிறது.

கணினியில் நிறுவப்பட்டுள்ள அனைத்து மென்பொருட்களின் சீரியல் எண்களையும் தெரிந்து கொள்ள இந்த எளிமையான 75KB அளவுள்ள இலவச மென்பொருள் உதவுகிறது.தரவிறக்கம் செய்ய இங்கே செல்லவும்

http://www.freewarefiles.com/downloads_counter.php?programid=44343

வீடியோ:நோக்கியாவின் லேப்டாப்

2009-08-25T00:17:00.004-04:00

முன்னணி செல்பேசி நிறுவனமான நோக்கியா லேப்டாப் தயாரிப்பில் ஈடுபடப்போவதாக சில மாதங்களுக்கு முன்பே செய்திகள் வர ஆரம்பித்துவிட்டன.

நோக்கியா நிறுவனம் இன்று தனது சிறிய லேப்டாப்பை(Nokia Booklet 3G)அறிமுகப்படுத்தியது.10.1 இன்ச் அகல அதி துல்லிய(High Defninition) திரையுடன் வரும் இந்த லேப்டாப் 1.25 கிலோ எடை மட்டுமே கொண்டது.3G வயர்லெஸ் வசதி கொண்ட இந்த லேப்டாப் விண்டோஸ் இயங்குதளத்தை கொண்டிருக்கும்.HDMI வெளியீடு(அதிதுல்லிய தொலைக்காட்சி பெட்டியுடன் இணைக்க),உள்ளிணைந்த A-GPS(இருப்பிடங்களை அறிந்து கொள்ள)வசதிகளையும் கொண்ட இந்த லேப்டாப்பின் முக்கிய சிறப்பம்சம் 12 மணி நேரம் உபயோகிக்கும் அளவுக்கு ஆற்றல் தரும் இதன் பேட்டரி தான்.

இந்த லேப்டாப்பின் விலை மற்றும் மேலதிக விவரங்களை நோக்கியா நிறுவனம் செப்டம்பர் 2 ஆம் தேதி ஜெர்மனியில் நடைபெறும் Nokia World 2009 என்னும் கருத்தரங்கில் வெளியிடப்போகிறது.

ரயிலில் முத்தம்-இரானிய குறும்படம்

2009-08-20T01:04:00.003-04:00

ஹாரிஸ் ஜெயராஜின் "ஆதவன்" mp3 பாடல்கள் தரவிறக்க...

2009-08-19T23:49:00.003-04:00

ஹாரிஸ் ஜெயராஜின் "ஆதவன்" mp3 பாடல்கள் தரவிறக்க கீழ்காணும் உரலை சொடுக்கவும்.

http://www.tamilcinepics.com/tamilmp3/index.php?p=2009/Aadhavan

http://tamilmp3songs.blogspot.com/2009/08/aadhavan-mp3-songs-free-download.html

ஜிமெயிலின் உள்ளேயே விக்கிபீடியா தேடல்

2009-08-19T22:36:00.006-04:00

ஜிமெயில் கணக்கை உபயோகித்து கொண்டிருக்கும் போது ஏதேனும் விவரங்களை விக்கிபீடியாவில் தேட நேர்ந்தால்,அந்த உலாவியின் விண்டோவை விட்டு வெளியே வந்து புதியதாக உலாவியின் விண்டோ திறந்து விக்கிபீடியா தளத்திற்கு செல்வதற்கு பதிலாக தற்போது கூகிளே ஜிமெயிலின் உள்ளே விக்கிபீடியா தேடலுக்கான இணைப்பை கொடுக்கிறது.ஜிமெயிலின் உள்ளே நுழைந்து மேலே Settings அருகே உள்ள பச்சை நிற ஆய்வு குடுவையை சொடுக்கவும்.தற்போது Gmail Labs உள்ளே வந்து விட்டீர்கள்.அங்கே Add any gadget by URL என்ற சிறப்பம்சத்தை Enable செய்யவும்.அந்த பக்கத்தின் கீழே உள்ள "Save Changes" சொடுக்கி மாற்றத்தை சேமிக்கவும்.

பின்னர் அதே கூகிள் Settings பகுதியில் Labs க்கு அருகிலுள்ள Gadgets என்னும் பகுதிக்கு வரவும். அங்கே Add a gadget by its URL என்னுமிடத்தில் கீழ்காணும் உரலை கொடுத்து Add பொத்தானை சொடுக்கவும்.

http://www.google.com/ig/modules/wikipedia.xml

இனி ஜிமெயில் பக்கத்தின் இடது புறம் விக்கிபீடியா தேடலுக்கான உள்ளிடும் பெட்டி காணப்படும்.ஜிமெயிலின் உள்ளே விக்கிபீடியா தேடலை உபயோகிக்கலாம்.

யூடியுப் வீடியோவை mp3 ஆக மாற்ற

2009-08-13T01:13:00.007-04:00

யூடியுப் தளத்தில் பார்க்கும் வீடியோவில் வரும் பாடலையோ அல்லது உரையாடைலையோ தனியே mp3 ஆக மாற்ற உதவுகிறது இந்த டிர்பி(Dirpy) தளம்.இது போல் வேறு சில தளங்களும்,மென்பொருட்களும் இருந்தாலும் இந்த டிர்பி தளம் மேலும் சில சிறப்பம்சங்களை கொண்டது.நமக்கு வேண்டிய பாடல்களை இதனுள்ளே அமைந்துள்ள யூடியுப் தேடு பொறியின் மூலம் தேடி தேர்ந்தெடுக்கலாம் அல்லது யூ டியுப் யூஆர்எல்(URL)தெரியும் பட்சத்தில் அதனை நேரடியாக உள்ளிடலாம்.

நமக்கு தேவையான நேர அளவை தேர்ந்தெடுத்து அந்த நேர இடைவெளியில், உதாரணத்திற்கு ஒரு வீடியோவின் இரண்டாம் நிமிடத்திலிருந்து மூன்றாம் நிமிடம் வரை வரும் இசையை மட்டும் அப்படியே பிரித்தெடுக்கலாம்.இவ்வாறு ஒலியை மட்டும் பிரித்து mp3ஃபைல் ஆக சேமித்து கொள்ளலாம்.சேமிக்கும் முன்னர் நமக்கு தேவையான பெயரை கொடுக்கலாம்.மேலும் ஒரு mp3 வடிவ பாடலுக்கு ID3 Tag Data கொடுக்கலாம்.இவை மட்டுமல்லாது அந்த வீடியோவையும் தரவிறக்கம் செய்து கொள்ளலாம்.தளத்திற்கு செல்ல

http://www.dirpy.com

மனதை தொடும் தாய்லாந்து விளம்பரம்

2009-08-11T08:45:00.005-04:00

தாய்லாந்தின் இந்த விளம்பரத்தை கூட மனதை தொடும் வடிவில் ஒரு குறும்படம் போல எடுத்துள்ளார்கள்.எளிதான ஒரு கான்செப்ட் ஐ கொண்டு சிறப்பான இசையுடன் வழங்கியுள்ளார்கள்.எந்த பொருளுக்கான விளம்பரம் இது என முன்பே தெரிந்தாலும் ஒரு குறும்படம் போலவே உணர வைக்கிறது.

மைக்ரோசாப்ட்டின் Xbox வித்தை

2009-08-11T00:38:00.006-04:00

வீடியோ விளையாட்டுகள் என்பது ஒன்றும் சின்ன பசங்க விஷயம் என்று ஒதுக்கி விடும் விஷயமில்லை. உலக அளவில் சென்ற 2008ஆம் ஆண்டு மொத்த வீடியோ விளையாட்டு பொருட்கள்,மென்பொருட்கள் விற்பனை மட்டும் 32 பில்லியன் டாலர்கள்.கணினியில் விளையாடப்படும் விளையாட்டுகளின்றி,வீடியோ விளையாட்டுகளுக்கேன்றே பிரத்தியேகமாக வடிவமைக்கப்பட்ட கேமிங் கன்சோல்(Gaming Console)எனப்படும் விளையாட்டு இயக்கு பெட்டிகள் இப்போது உலகமெங்கும் சக்கை போடு போட்டுவருகின்றன.முதல் மூன்று இடத்தில் கடும் போட்டியுடன் இருப்பவை நின்டெண்டோவின்(Nintendo) விய்(Wii)மற்றும் DS,மைக்ரோசாப்ட்டின் Xbox மற்றும் சோனியின் ப்ளே ஸ்டேஷன் 3.

ஒருவருக்கொருவர் சளைக்காமல் மேம்படுத்தப்பட்ட விளையாட்டு இயக்கு பெட்டிகளையும் மென்பொருட்களையும் வெளியிட்டு வருகின்றனர்.இந்த வீடியோ பெட்டிகளை இயக்க ஒரு கட்டுப்பாட்டு பெட்டியும்(Gaming Controller)உண்டு.நின்டெண்டோவின் விய் ஒரு அருமையான விளையாட்டு சாதனம்.இதனுடன் இணைந்த சிறிய கட்டுப்பாட்டு பெட்டியை கையில் வைத்து கொண்டு எந்த திசையில் அசைத்தாலும் வீய் அதை உணர்ந்து கொள்ளும்.உதாரணத்திற்கு இந்த வீடியோ சாதனத்துடன் டென்னிஸ் விளையாடும் போது சிறிய கட்டுப்பாட்டு பெட்டியை உபயோகித்து பந்தை அடிப்பது போல் காற்றில் பாவனை செய்தாலே போதும்.இதே போல அதி துல்லிய வீடியோ விளையாட்டுகளை கையாள வல்லது சோனி ப்ளே ஸ்டேஷன்.

கடும் போட்டி கொடுத்த மைக்ரோசாப்ட் Xbox இப்போது தனது புதிய கண்டுபிடிப்பான Project Natal ஐ அடுத்த வருடம் வெளியிட இருக்கிறது.அசைவுகளை உணர்தலில் ஒரு படி மேலே சென்று,நமது கை,கால்கள் மற்றும்,உடலின் அசைவுகள்,மற்றும் குரலை கொண்டே Xbox சாதனத்துடன் விளையாட முடியும்.இதற்கென ஒரு விசேஷ சென்சார் கருவியை Xbox சாதனத்துடன் இணைத்தால் போதும்.இதுவே project Natal சென்சார் கருவி எனப்படுகிறது. திரைப்படங்களை,கையை காற்றில் அசைத்து,தேர்வு செய்து பார்க்கலாம்.மேலும் விவரங்களுக்கு இந்த வீடியோவை பாருங்கள்.

உலகின் முதல் ப்ரொஜெக்டர் கேமரா

2009-08-04T20:09:00.015-04:00

கையடக்க டிஜிட்டல் கேமரா(Compact Digital Camera)சந்தையில் பெரும் போட்டியே நிலவிக்கொண்டுள்ளது.கடந்த பத்து வருடங்களாக கையடக்க டிஜிட்டல் கேமரா சந்தையில் நிக்கான்(Nikon),கேனான்(Canon)மற்றும் சோனி(Sony)நிறுவனங்களே முன்னிலை வகிக்கின்றன.தொழில்நுட்பம் முன்னேற ஒவ்வொரு நிறுவனமும் மெகா பிக்சல் அளவுகளை அதிகரித்து 3,4 மெகா பிக்சல்களில்(Mega Pixels)ஆரம்பித்து இன்று 12 மெகா பிக்சல்கள் வரை கையடக்க டிஜிட்டல் கேமராக்கள் சந்தையில் கிடைக்கின்றன.

இந்த நிறுவனங்கள் மக்களை கவர வீடியோக்களையும் எடுக்கும் திறனுள்ள,முகங்களை அறிந்து கொள்ளும் கேமரா,தொடு திரை(Touch Screen)வசதியுள்ள கேமரா,சிரிப்பை அறிந்து கொள்ளும் கேமரா,அதி துல்லிய வீடியோ எடுக்கும் கேமரா,3D முப்பரிமாணத்தில் படமெடுக்கும் டிஜிட்டல் கேமரா என ஏதேனும் புதிய கண்டுபிடிப்புகளை போட்டி போட்டு வெளியிடுகிறார்கள்.

இன்று நிக்கான் நிறுவனம் உலகின் முதல் ப்ரொஜெக்டர்(Projector)கேமராவான
COOLPIX S1000pj ஐ அறிமுகப்படுத்தியுள்ளது.12 மெகா பிக்சல்கள் அளவில் படமெடுக்கும் இந்த கேமராவுடன் சிறிய ப்ரொஜெக்டரும் இணைந்துள்ளது. படச்சுருள் கேமரா இருந்த காலத்தில் படமெடுத்து பின்னர் இருட்டறையில் நெகடிவ் படச்சுருளை மேம்படுத்தி அச்சடிக்கப்பட்ட பின்னரே பார்க்கமுடியும்.டிஜிட்டல் கேமராவில் இந்த நிலை மாறி படமெடுத்தவுடன் LCD பேனலில் பார்க்க முடிந்தது.

இப்போது இந்த கேமராவில் புகைப்படத்தையோ அல்லது வீடியோவையோ படமெடுத்தவுடன் ப்ரொஜெக்டர் மூலமாக சுவற்றிலோ அல்லது சமதள பரப்பிலோ 5 இன்ச் முதல் 40 இன்ச் அளவு வரை திரையிட்டு பார்க்க முடியும்.நண்பர்களோடு பொது நிகழ்ச்சிகள்,விருந்து முதலானவற்றில் கலந்து கொள்ளும் போது படமெடுத்து உடனுக்குடன் திரையிட்டு பார்க்கலாம்.

இது மட்டுமன்றி Image stabilization என்னும் படமெடுக்கும் போது கைகள் அசைந்தாலும் துல்லிய படமெடுத்தல்,Skin softening,5X ஜூம்(Zoom),USB இணைப்பு என பல்வேறு வசதிகளும் உள்ளன.

PDF ஃபைல்களை வெட்ட,ஒட்ட,பூட்ட ஒரு இலவச மென்பொருள்

2009-08-03T23:35:00.007-04:00

அதிக அளவில் PDF கோப்புகளை(Files)உபயோகிப்பவர்களுக்கு இது ஒரு சிறப்பான மென்பொருள். இந்த மென்பொருள் மூலம் ஒன்றுக்கு மேற்பட்ட PDF கோப்புகளை இணைக்கலாம்.ஒரு பெரிய PDF கோப்பை வேண்டிய அளவு வெட்டி பிரித்து கொள்ளலாம்.தேவைப்படாத பக்கங்களை வெட்டிவிடலாம்.

இவையல்லாது PDF கோப்பின் ஒவ்வொரு பக்கத்திலும் ஏதேனும் வார்த்தைகளையோ,பெயரையோ அல்லது ஒரு சிறிய படத்தையோ அச்சடிக்கலாம்.

மேலும் முக்கிய தகவல்களை கொண்ட PDF கோப்புகளை கடவுச்சொல்(Password)கொடுத்து பூட்டலாம்.ஒரு பெரிய PDF கோப்பில் நம் வசதிக்கு தகுந்தவாறு ஒரே பக்கத்தில் 2,3 அல்லது 4 பக்கங்களை கொண்டு வரலாம்.தரவிறக்க...

http://sheelapps.com/index.php?p=PDFTools.HomePage&action=view

வாவ்! இந்த பெண் வரைவது என்ன?

2009-08-03T00:17:00.003-04:00

நடனத்துடன் அனாயாசமாக இந்த பெண் வரைவது என்ன என்பதை உங்களால் யூகிக்கமுடிகிறதா?

ஒரு வீடியோ ஃபைலை DVD ஆக மாற்ற

2009-07-31T00:20:00.009-04:00

டிவிடியிலிருந்து வீடியோ ஃபைலாக மாற்ற பல மென்பொருட்கள் உண்டு.ஆனால் ஒரு வீடியோ ஃபைலை டிவிடி வடிவத்திற்கு மாற்ற சில மென்பொருட்களே உள்ளன.அவையும் இலவச மென்பொருட்கள் அல்ல.DVD Flick இந்த வேலைக்கு சிறப்பான மென்பொருள்.தனி ஒரு வீடியோ ஃபைலை,அவை AVI/MPG/MOV/WMV/MP4 என எந்த வடிவில் இருந்தாலும்,அவற்றை டிவிடிகளுக்கு ஏற்ற mpeg-2 வடிவத்திற்கு encode செய்து பின்னர் டிவிடிக்களில் பதிவு செய்கிறது.

DVD Flick ஐ தரவிறக்க.

http://www.dvdflick.net/download.php

அதை நிறுவிய பிறகு Project Settings இல் சென்று General பகுதியில் Encoder ஐ High என மாற்றவும்.

video பகுதியில் Encoding ஐ Fastest என மாற்றவும்.(இவ்வாறு அதிவேகமாக மாற்றினால், encode செய்யம்போது கணினியில் இயக்கம் மிக மெதுவாக இருக்கும்.உங்கள் தேவைக்கேற்றபடி Fast என்றோ Normal என்றோ வைத்துக் கொள்ளலாம்)

Burning பகுதியில் Burn project to disc என்ற பெட்டியை டிக் செய்து Accept ஐ சொடுக்கவும்.

encode செய்யப்ப்பட்ட வீடியோ கீழே உள்ள நாம் தேர்ந்தெடுக்கும் Project destination folder இல் VIDEO_TS,AUDIO_TS ஆகவும் மாற்றப்பட்டு சேமிக்கப்பட்டிருக்கும்.நாம் encode செய்வதற்கு முன்பே ஒரு புதிய பதிவு செய்யப்படாத டிவிடியை டிவிடி ரைட்டரில் செலுத்திவிட்டால்,encode செய்து முடித்தவுடன் தானாக டிவிடியை எழுதிவிடும்.அல்லது ஏற்கனவே பதிவு செய்யப்பட்டு ஒரு Rewritable டிவிடியாக இருந்தால் ஏற்கனவே பதிவு செய்யப்பட்டதை அழித்துவிட்டு பதிவு செய்யும்.

பின்னர் Add title சென்று டிவிடி ஆக்கப்பட வேண்டிய வீடியோ பைலை தேர்வு செய்து Create DVD என்னும் பொத்தானை சொடுக்கவும். அவ்வளவே.

Sherlock Holmes: ஹாலிவுட் திரைப்பட முன்னோட்டம்

2009-07-28T00:17:00.008-04:00

ஆர்தர் கானன் டாயில்(Arthur Conan Doyle)உருவாக்கிய கற்பனை கதாபாத்திரமான ஷெர்லக் ஹோம்ஸ்(Sherlock Holmes)துப்பறியும் கதைகள் இன்றும் உலகெங்கும் படிக்கப்படுகின்றன.

இதுவரை தொலைக்காட்சி நாடகங்களாகவும்,சிறிய அளவில் திரைப்படங்களாகவும் எடுக்கப்பட்ட ஷெர்லக் ஹோம்ஸ் முதன் முறையாக ஒரு முழு ஹாலிவுட் தயாரிப்பாக வெளிவரவுள்ளது.

இங்கிலாந்தை அழிக்க நினைக்கும் லார்ட் ப்ளாக்வுட்டை(Lord Blackwood)சிறைக்கு அனுப்புகிறார் ஷெர்லக் ஹோல்ம்ஸ்.சிறையில் ஷெர்லக்கை பார்வையாளராக வரவழைத்து பேசும் லார்ட் ப்ளாக்வுட்,நிச்சயம் சிறையிலிருந்து வெளிவந்து ஷெர்லக்கை பழி வாங்கப்போவதாக சபதம் செய்வது படத்தின் முதல் கட்ட காட்சிகளாக அமையப்போகின்றன.

ஷெர்லக் ஹோம்ஸ் கதாபாத்திரத்தில் ராபர்ட் டோவ்னி(Robert Downey Jr)யும்,ஷெர்லக்கின் நண்பரான டாக்டர் வாட்சன்(Dr.Watson)கதாபாத்திரத்தில் ஜுட் லா(Jude Law)வும் நடிக்கின்றனர்.முக்கியமாக இது கை ரிட்சி(Guy Ritchie)இயக்கும் திரைப்படம்.அதற்காகவே இந்த திரைப்படத்தை பார்க்க ஆவலாக உள்ளேன்.

மனோஜ் நைட் ஷ்யாமளனின் The Last Airbender

2009-07-27T21:45:00.017-04:00

மனோஜ் நைட் ஷ்யாமளன்(Manoj Night Shyamalan)அடுத்த படத்தை இயக்க துவங்கி விட்டார்.இம்முறை Nickelodeon தொலைக்காட்சியில் மிக புகழ் பெற்ற Avatar: The Last Airbender என்னும் அனிமேஷன் தொடரை திரைப்படமாக்குகிறார்.

தற்காப்பு கலைகள்,மாயஜாலம் கலந்து அமைந்த குறிப்பாக பதின்ம வயதினரை குறி வைத்து எடுக்கப்படும் இந்த கதையின் நாயகன் 12 வயது ஆங்(Aang).உலகை அழிக்க நினைக்கும் Firelord ஐ தன் நண்பர்கள் சொக்கா(Sokka),கடாரா(Katara)துணையுடன் எதிர்க்கிறான்.அதற்கு நீர்(Waterbending),நிலம்(Earthbending),நெருப்பு(Firebending)ஆகிய சக்திகளின் ஸ்டைலில் தற்காப்பு கலைகளை கற்றுக்கொள்ளவேண்டும்.பிறப்பால் Airbender(காற்று)ஆன ஆங் மட்டும் தான் இந்த நான்கு தற்காப்பு கலை வடிவங்களையும் கற்க முடியும்.கற்று எவ்வாறு Firelord ஐ தன் நண்பர்கள் துணையோடு வெல்கிறான் என்பதே கதை.

Noah Ringer ஆங் ஆக நடிக்க,ஸ்லம்டாக் மில்லியனர் நாயகன் தேவ் படேலும் இந்த படத்தில் நடிக்கிறார்.இது கண்டிப்பாக இது ஒரு பொழுது போக்கு படமாக இருக்கும் என்கிறார் ஷ்யாமளன்.சிறிய திரை முன்னோட்டமும் வெளியாகியுள்ளது.

இணைய விவாத தளங்களில்(Forums) தேட

2009-07-27T00:04:00.007-04:00

தற்போது இணையத்தில் பல்வேறு விவாத தளங்கள்(Forums) இருக்கின்றன.அதில் மக்கள் பல செய்திகளை பகிர்ந்து கொள்கின்றனர்.அந்த விவாத தளங்களில் பகிரப்படும் செய்திகளை தேடவோ அல்லது நாம் விரும்பும் செய்திகளை பற்றி விவாத தளங்களில் பல்வேறு தரப்பினர் எவ்வாறு விவாதிக்கின்றனர் என்பது பற்றியும் தெரிந்து கொள்ள இந்த இரு இணைய விவாத தேடு பொறி தளங்களும் உதவுகின்றன.உதாரணத்திற்கு "நான் ஒரு டிஜிட்டல் கேமரா வாங்க விரும்புகிறேன்" என்ற குறிச் சொல்லை இந்த விவாத தள தேடு பொறியில் கொடுத்தால் டிஜிட்டல் கேமரா வாங்குவது குறித்து பல்வேறு தகவல்களை விவாத தளங்களில் இருந்து பெறலாம்.

http://omgili.com

http://boardreader.com

சிறப்பானதொரு இலவச வீடியோ மாற்றி(Video Converter)மென்பொருள்

2009-07-26T22:53:00.015-04:00

பல்வேறு சந்தர்ப்பங்களில் நமக்கு வெவ்வேறுவிதமான வீடியோ ஃபார்மேட்டுகளின்(Format) ஃபைல்கள் தேவைப்படுகின்றன.தற்போது பல வீடியோ மாற்றிகள்(Video Converter) புழக்கத்தில் இருந்தாலும் FomatFactory(விண்டோஸ் மட்டும்) என்னும் இந்த இலவச வீடியோ மாற்றி மென்பொருள் நான் உபயோகித்து பார்த்தவரையில் சிறப்பானதாக தெரிகிறது.கிட்டத்தட்ட தற்போது கணினி உலகில் புழக்கத்தில் இருக்கும் அனைத்து விதமான வீடியோ பைல்களையும் கையாள்கிறது.

மேலும் வீடியோக்களை ஒன்று சேர்த்தல்,வீடியோவின் ஒரு குறிப்பிட்ட பகுதியை மட்டும் வெட்டி எடுப்பது என பல்வேறு வேலைகளை செய்கிறது.வீடியோ மட்டுமன்றி,ஆடியோ,புகைப்படம் மற்றும் டிவிடி ஃபார்மேட்டுகளையும் சிறப்பாக மாற்றுகிறது.டிவிடி இலிருந்து ஒரு படத்தை ஒரு வீடியோ ஃபைலாக மாற்றிவிட இயலும்.ஆனால் ஒரு வீடியோ ஃபைலை டிவிடி ஃபார்மேட்டிற்கு மாற்ற மற்றொரு சிறப்பானதொரு மென்பொருளை தற்போது உபயோகித்து வருகிறேன்.இந்த வாரத்தில் இன்னொரு பதிவாக அதை பார்க்கலாம்.

இந்த இலவச மென்பொருளை தரவிறக்க கீழ்க்கண்ட உரலை சொடுக்கவும்.

http://www.formatoz.com/download.html

250 வீடியோ விளையாட்டுகள்

2009-07-23T02:31:00.008-04:00

வீடியோ விளையாட்டுகளில் விருப்பம் உள்ளவர்களுக்கு அருமையான இணைய தளம் இது. இவை அனைத்தும் Flash மூலம் வடிவமைக்கப்பட்ட சிறிய வீடியோ விளையாட்டுகள்.இணைய வேகத்தை பொறுத்து சில விளையாட்டுகள் தரவிறங்க சற்று தாமதமாகலாம்.

www.friv.com

உலகின் முதல் 3D டிஜிட்டல் கேமரா சந்தைக்கு வருகிறது

2009-07-22T23:26:00.007-04:00

புஜி பிலிம்(Fuji Film) நிறுவனம் இன்று வெளியிட்ட செய்தியின் படி மிக விரைவில் Fujifilm FinePix Real 3D W1 என்னும் உலகின் முதல் 3D டிஜிட்டல் கேமராவை சந்தையில் அறிமுகப்படுத்தவுள்ளது.ஒரு காலத்தில் புகைப்பட தொழிலில் கோலோச்சி பின்னர் நிக்கான்,கேனான் நிறுவனங்களின் கடும் போட்டியினால் தாக்கு பிடிக்க முடியாமல் பின்னடைந்த புஜி பிலிம் தன் இருப்பை காட்டிக்கொள்ள இப்போது இந்த புதிய தொழில் நுட்பத்தின் மூலம் அதிரடியாக களத்தில் இறங்குகிறது.இந்த கேமராவின் சிறப்பம்சம் 3D புகைப்படங்களை வெறும் கண்களாலேயே முப்பரிமாண கண்ணாடி இன்றி காண முடியும்.

ஒரே காட்சியை இரு வேறு கோணங்களில் இருந்து எடுத்து,எடுக்கப்பட்ட இரு பிம்பங்களும் ஒன்றின் மீது ஒன்று வைக்கப்படும் போது முப்பரிமாண(3D) படம் கிடைக்கிறது.இந்த கேமராவில் மனித கண்களுக்கு இடையே உள்ள அதே தூர அளவில் உள்ள இரு லென்ஸ்கள் ஒரே காட்சியை இரு வேறு கோணங்களில் படமெடுக்கின்றன.அவ்வாறு படமெடுத்த காட்சியை வெறும் கண்களாலேயே 10 மெகா பிக்சல்கள் அளவில் படமெடுக்கும் இந்த கேமராவின் 2.8 இன்ச் அகல LCD திரையில் காணலாம்.முப்பரிமாண முறையில் வீடியோக்களையும் முப்பரிமாண முறையிலன்றி வழக்கமான இரு பரிமாண(2D)படங்களையும் எடுக்கவல்லது இந்த கேமரா.

இது போக FinePix Real 3D V1 என்னும் 8 இன்ச் அகலமுள்ள டிஜிட்டல் திரை சாதனத்தையும் புஜி பிலிம் அறிமுகப்படுத்தவுள்ளது.3D டிஜிட்டல் கேமராவில் எடுக்கப்பட்ட படங்களை இந்த 3D டிஜிட்டல் திரை சாதனத்தின் மூலம் பார்வையிடலாம்.இது மட்டுமன்றி முப்பரிமாண படங்களை பிரதி எடுக்க புஜி பிலிம் நிறுவனம் விஷேச காகிதங்களை தயாரித்துள்ளது.இந்த காகிதங்களின் மூலம் பிரதி எடுத்த முப்பரிமாண படங்களை வெறும் கண்களாலேயே பார்க்கலாம்.காகிதங்களில் பிரதியெடுக்க ஆன் லைன் சேவையை அறிமுகப்படுத்தவுள்ளது.அடுத்த மாதம் ஜப்பானில் வெளியாகி செப்டம்பர் மாதம் அமெரிக்கா மற்றும் ஐரோப்பிய நாடுகளில் விற்பனைக்கு வரவுள்ளது.

வீடியோ:மைக்கேல் ஜாக்சனின் பெப்சி விளம்பர தீவிபத்து

2009-07-16T02:59:00.006-04:00

இதுவரை வெளிவராத இந்த வீடியோவை யுஎஸ் வீக்லி என்னும் பத்திரிக்கை தற்போது வெளியிட்டுள்ளது.வசூல் புரட்சி செய்த Thriller இசை ஆல்பம் வெளிவந்த அடுத்த வருடம் 1984 ஆம் ஆண்டு ஜனவரி 27 அன்று பெப்சி நிறுவனத்திற்காக ஒரு விளம்பர படப்பிடிப்பு நடந்துள்ளது.

இருபுறமும் பட்டாசுகள் வெடிக்க ஜாக்சன் படிகளில் இறங்கி வந்து நடனம் ஆடுவது போல் படப்பிடிப்பு.முதல் சில தடவைகள் படம் பிடிக்கப்பட்டு சரிவராததால் மீண்டும் ஆறாவது முறையாக படம் பிடிக்கப்பட்டபோது பட்டாசுகள் குறுப்பிட்ட நேரத்திற்கு முன்பே வெடித்து விட்டன.ஜாக்சனின் தலையிலும்,முகம்,உடலிலும் தீக்காயங்கள் ஏற்பட்டன.முதலில் தலையில் தீப்பிடித்து எரிந்தது சில வினாடிகள் பின்பே ஜாக்சனுக்கு தெரிந்தது.அதற்குள் பெரும்பாலான முடிங்கள் கருகி விட்டன.உடன் படப்பிடிப்பு குழுவினர் விரைந்து தீயை அணைத்து ஜாக்சனை மருத்துவமனைக்கு கொண்டு செல்கின்றனர்.இந்த விபத்து காரணமாக பல முறை பிளாஸ்டிக் சர்ஜரி செய்யவேண்டி வந்தது.அதற்காக வலி நிவாரணிகளை அதிக அளவு எடுத்து பின்னர் அதற்கே அடிமையாகும் நிலை ஏற்பட்டது.இதுவரை ஒன்றிரெண்டு புகைப்படங்கள் மட்டுமே இந்த விபத்து பற்றி வெளிவந்துள்ளது.இப்போது தான் முதன் முறையாக இந்த வீடியோ வெளியிடப்பட்டுள்ளது.பெப்சி நிறுவனம் நஷ்ட ஈடாக 1.5 மில்லியன் டாலர்களை ஜாக்சனுக்கு கொடுத்தது.அதை அப்படியே தொண்டு நிறுவனத்திற்கு அவர் கொடுத்துவிட்டதாக கூறப்படுகிறது.

http://news.yahoo.com/s/ap/20090716/ap_on_en_mu/us_michael_jackson_accident_video

வீடியோ: நயாகரா நீர்வீழ்ச்சி அதி துல்லியமாக

2009-07-15T22:24:00.004-04:00

இது அமெரிக்காவில் நயாகரா சீசன் நேரம்.மே மாதம் துவங்கி செப்டம்பர் வரை படு சுறுசுறுப்பாக சீசன் களை கட்டும்.

அமெரிக்கா மற்றும் கனேடிய எல்லைகளுக்கு நடுவில் ஓடும் நயாகரா நதியில் பாதி தொலைவில் உள்ளது நயாகரா நீர்வீழ்ச்சி.நீர்வீழ்ச்சியின் ஒரு புறம் அமெரிக்கா,மற்றொரு புறம் கனடா.மூன்று முக்கிய நீர்வீழ்ச்சிகளை கொண்டது.பெரியது மற்றும் முக்கியமானது ஹார்ஸ் ஷூ(Horse Shoe Falls) அல்லது குதிரை லாட நீர்வீழ்ச்சி கனடாவில் உள்ளது.அடுத்தது அமெரிக்கன் நீர் வீழ்ச்சி மற்றும் சிறிய ப்ரைடல் வேய்ல் நீர்வீழ்ச்சி.உயரம் அதிகம் இல்லாவிட்டாலும் ஹார்ஸ் ஷூ நீர்வீழ்ச்சி 762 மீ அகலம் கொண்டது.படு பிரம்மாண்டமானது.அமெரிக்கன் நீர்வீழ்ச்சி 55 மீ உயரமும், 305 மீ அகலமும் கொண்டது. நயாகராவில் ஒவ்வொரு நிமிடமும் ஆறு மில்லியன் கன அடிக்கு அதிகமான நீர் வீழ்கிறது.இவ்வளவு நீர்வீழ்வு நயாகராவை ஒரு மகா நீர்வீழ்ச்சி ஆக்குகிறது.

(குறைந்த வேக இணைய இணைப்பை கொண்ட நண்பர்கள் Play செய்து சற்று காத்திருந்தால் அதி துல்லிய வீடியோவை காணலாம்).

http://www.youtube.com/watch?v=5c5s-Uzys5w

உங்கள் தட்டச்சு திறமைக்கு சவால்

2009-07-15T08:52:00.003-04:00

Fngrz of Fury அழகிய முறையில் வடிவமைக்கப்பட்ட சிறிய விளையாட்டு.நீங்கள் முயற்சித்து பாருங்களேன்:-)). விளையாட இந்த உரலை சொடுக்கவும்.

http://orangefilmstudios.co.uk/fngrz/game/

இதுவரை கண்டிராத சூரியனின் அசத்தலான புகைப்படங்கள்

2009-07-14T22:14:00.004-04:00

அசத்தியிருக்கிறார் தியரி லுகோ(Theirry Legault).இதுவரை இதுபோன்ற படங்கள் எடுக்கப்பட்டதில்லை.கீழேயுள்ள படத்தில் இரு சிறிய புள்ளிகள் தெரிகின்றதா?அவை என்ன?சற்றே பெரிய புள்ளி தான் அட்லாண்டிஸ் விண்கலம்.அதற்கடுத்த சிறிய புள்ளி?அது ஹப்பிள் தொலை நோக்கி.கடந்த மே மாதம் 13 ஆம் தேதி விண்வெளியில் உள்ள ஹப்பிள் தொலைநோக்கியின் பழுதை சரிபார்க்க விண்வெளி வீரர்கள் அட்லாண்டிஸ் விண்கலத்தில் சென்றனர்.அட்லாண்டிஸ் விண்கலம் ஹப்பிள் தொலைநோக்கியை நெருங்கும் போது தியரி இந்த ஒளிப்படங்களை ப்ளோரிடாவிலிருந்து எடுத்துள்ளார்.

கேனான் 5D Mark II கேமரா,13 செமீ தொலைநோக்கி,சோலார் ப்ரிசம் கொண்டு, அட்லாண்டிஸ் ஹப்பிள் தொலை நோக்கியை நெருங்கும் நேரத்தை துல்லியமாய் கணக்கிட்டு படங்களை எடுத்துள்ளார்.படங்களை பெரிதாக்கவும்,மேலும் விவரங்களை தெரிந்து கொள்ளவும் படங்களின் மீது சொடுக்கவும்.

வீடியோ:உலகின் அதிவேக சாதனைகளின் தொகுப்பு

2009-07-14T01:33:00.002-04:00

வால் பேப்பர்களை மாற்றும் இலவச மென்பொருள்

2009-07-13T21:38:00.005-04:00

நம்மில் பலர் அழகிய படங்களை டெஸ்க்டாப் வால்பேப்பர்களாக கணினியில் வைத்து கொள்வர்.ஒவ்வொரு முறையும் நாமே அவற்றை மாற்றாமல் வால்பாபா(Wallpapa)என்னும் மென்பொருள்(விண்டோஸ் மட்டும்)நமது கணினியின் வால்பேப்பர்களை மேலாண்மை செய்கிறது.நம்மிடம் உள்ள அழகிய படங்களை ஒரு போல்டர் இல் சேமித்து இந்த மென்பொருள் மூலம் அனைத்தையும் தேர்ந்தெடுத்தால் நாம் விரும்பிய கால அளவுகளில் வால்பாபா மென்பொருள் வால்பேப்பர்களை மாற்றும்.

இந்த மென்பொருளை கணினியில் நிறுவிய பிறகு,மேலே உள்ள "ADD" என்னும் பொத்தானை சொடுக்கி ஏற்கனவே வால்பேப்பர்களை சேமித்து வைத்துள்ள போல்டரை தேர்ந்தெடுக்கவும்.இந்த மென்பொருளை தரவிறக்க http://www.phoeniixz.net/software.html தளத்திற்கு செல்லவும்

Office 2010: ஹாலிவுட் திரைப்படமா?

2009-07-09T22:56:00.008-04:00

தன் தயாரிப்புகளை விளம்பரப்படுத்துவதில் தனி கவனம் செலுத்தும் மைக்ரோசாப்ட் அடுத்த வருடம் வெளியிடப்போகும் மைக்ரோசாப்ட் ஆபீஸ் 2010 மென்பொருளுக்கு முன்னோட்ட விளம்பரத்தை வித்தியாசமான முறையில் ஹாலிவுட் திரைப்பட முன்னோட்டங்களை போல விளம்பரப்படுத்தியுள்ளது.டென்னிஸ் லியு(Dennis Liu)மைக்ரோசாப்ட் நிறுவனத்திற்காக தயாரித்துள்ள விளம்பரம் இது.

அதிவேக Firefox 3.5 வெளிவந்தது- தரவிறக்கத்திற்கு தயார்.

2009-06-30T23:10:00.004-04:00

Firefox இணைய உலாவியின் 3.5 இறுதி பதிப்பு இன்று முதல் Mozilla தளத்தில் தரவிறக்க கிடைக்கிறது.விண்டோஸ்,மேக் மற்றும் லினக்ஸ் இயங்குதளங்களுக்கும் தரவிறக்க கிடைக்கிறது.பல புதிய சிறப்பம்சங்களுடன் வந்துள்ள Firefox 3.5 மேலும் மிக வேகமாக இணைய பக்கங்களை தரவிறக்குகிறது.

Sunspider என்னும் Javascript சோதனையை 1524 மில்லி வினாடிகளில் முடிக்கிறது என Mozilla தளம் சொல்கிறது.எனது கணினியில் 1572 மில்லி வினாடிகளில் முடிக்கிறது.இணைய பக்கங்கள் படு வேகமாக தரவிறங்குகின்றன.

Firefox 3.5 தரவிறக்க

வீடியோ:மைக்கேல் ஜாக்சன்-மறக்கமுடியாத இசையும் நடனமும்

2009-06-29T23:52:00.004-04:00

நான்கு நாட்கள் முன்பு மாலை 4:30 மணி அளவில் அலுவலக நண்பர் ஆண்ட்ரு ஸ்மித் தளர்ந்த முகத்துடன் "Prem! Michael Jackson is No more" என்று சொன்னபோது அலுவலக வேலை பார்த்து கொண்டே எனக்கு ஜாக்சன் பாடல்களில் மிக பிடித்த "In the Closet" கேட்டுக்கொண்டிருந்தேன்.ட்விட்டர் ஸ்தம்பித்தது போல் எனக்கும் ஆனது.

நான் வாழ்ந்த கிராமத்தில் இருந்து நகரத்திற்கு படிக்க வந்த போது பதின்ம வயதுகளில் என்னையும் துள்ள வைத்தது ஜாக்சனின் டேஞ்சரஸ்(Dangerous).ஒரு தலைமுறையையே கட்டிப்போட்டது மைக்கேலின் இசையும்,நடனமும்.

13 கிராமி விருதுகளுடன்(இதுவே ஒரு உலக சாதனையாம்)உலகமெங்கும் பல்லாயிரக்கணக்கான ரசிகர்கள் மனதில் நீங்காத இடம் பெற்ற மைக்கேல் சொந்த வாழ்வில் பல சிக்கல்களை,முரண்களை சந்தித்தாலும் தொழிலில் அசைக்க முடியாத ஆளுமை பெற்றிருந்தார்.அவருடைய இசை கச்சேரிகளுக்கு வரும் ஆயிரக்கணக்கான மக்கள்,அவரை நேரில் பார்த்ததுமே கண்ணீர் விட்டு உணர்ச்சி பெருக்குபவர்கள் என ஒரு பெரும் கூட்டத்தையே பல நாடுகளில் வசியப்படுத்தி வைத்திருந்தார்.

இந்த வீடியோ அதற்கு ஒரு சான்று.மைக்கேலின் "Greatest Hits" என்னும் வீடியோவில் மைக்கேல் உலக நாடுகளுக்கு இசை சுற்றுலா சென்றபோது மக்கள் ஆரவாரங்களின் தொகுப்பு.பின்னணியில் ஒலிப்பது மேற்கத்திய செவ்வியல்(Western Classical) இசை கலைஞர் கார்ல் ஆர்ஃப்(Carl Orff)பின், கார்மினா பியுரானா(Carmina Burana) இசைக்கோவையில் முக்கிய இசையான ஓ ஃ பார்ச்சுனா(O Fortuna).அந்த காலத்தில் Old Spice விளம்பரத்திலும் உபயோகித்திருப்பார்கள்.

இப்போது உயில் கூட எழுதி வைக்காமல் இறந்தாலும் இறந்தார்,அவர் செலவளித்தது போக மீதம் சொத்துகள் யாருக்கு என பெரும் போட்டியே நடந்து கொண்டிருப்பதாக சிஎன்என்னில் சொல்லிக்கொண்டிருந்தார்கள்.

ஆயிரத்தில் ஒருவன்(2009) mp3 பாடல்கள் தரவிறக்க

2009-06-17T00:46:00.008-04:00

ஆயிரத்தில் ஒருவன்(2009) mp3 பாடல்கள் தரவிறக்க

http://tamillatestmusic.blogspot.com/2009/06/aayirathil-oruvan-songs-download-free.html

அல்லது

http://www.megaupload.com/?d=UJWX8514

அல்லது

http://rapidshare.com/files/244326856/Aayirathil_Oruvan_2009_Mp3_Songs.rar

விண்வெளியில் பார்க்கப்பட்ட திரைப்படம்

2009-06-07T23:55:00.005-04:00

மார்ச் மாதம் சர்வதேச விண்வெளி நிலையத்திற்கு(International Space Station) பயணப்படுவதற்கு முன்பே நாசாவிடம் இந்த திரைப்படம் வெளியானவுடனேயே விண்வெளியில் பார்க்க விரும்புவதாக தன் கோரிக்கையை சொல்லியிருந்தார் அமெரிக்க விண்வெளி வீரர் மைக்கேல் பாராட்(Michael Barratt).அவர் கேட்டுக்கொண்டதை போலவே தயாரிப்பு நிறுவனத்தின் அனுமதியுடன் நாசா விஞ்ஞானிகள் மைக்கேலின் கோரிக்கையை நிறைவேற்றினர்.

அந்த திரைப்படம் தற்போது வெளிவந்து வசூலில் பட்டையை கிளப்பிகொண்டிருக்கும் ஸ்டார் ட்ரெக்(Star Trek) தான்.JJ Abraham இயக்கியுள்ள இந்த திரைப்படத்தை நாசா விஞ்ஞானிகள் சர்வதேச விண்வெளி நிலையத்திற்கு அப்லோட் செய்ய,மைக்கேல் தன் சக விண்வெளி வீரர்களான ரஷ்ய படல்கா,ஜப்பானிய வகாடாவுடன் கணினி திரையில் பார்த்துள்ளார்.அவர் சிறுவயதில் தொலைக்காட்சியில் பார்த்த ஸ்டார் ட்ரெக் தொடர் தான்,விண்வெளி வீரராக வருவதற்கான ஊக்கத்தை தந்தாக சொல்கிறார் மைக்கேல்.

படம் தொடக்கம் முதல் முடிவு வரை வேகமென்றால் வேகம் ராக்கெட் வேகம்.தொழில்நுட்ப பிரிவுகளில் 2010 ஆஸ்கர் விருதுகளுக்கு போட்டியிட படம் இப்போதே தயார்.ஒரே வரியில் சொல்வதென்றால் இரண்டு மணி நேர கிளைமாக்ஸ்.படத்தின் விரிவான விமர்சனம் ஹாலிவுட் பாலா http://hollywoodbala.blogspot.com/2009/06/star-trek-2009.html பக்கத்தில்...

மைக்ரோசாப்ட்டின் பிங் தேடுபொறி செயல்படத்தொடங்கியது

2009-06-01T22:29:00.007-04:00

இதோ வருகிறது..அதோ வருகிறது என சொல்லி முதலில் குமோ(Kumo)என பெயர் வைத்து பின்னர் முடிவாக பிங்(Bing)என்ற பெயருடன் இன்று முதல் செயல்படத் தொடங்கியுள்ளது மைக்ரோசாப்ட்டின் புதிய தேடுபொறி.

முகப்பு பக்கத்தில் துருக்கி நாட்டிலுள்ள கப்படோசி(Cappadocia)என்னும் இடத்தில் பழங்கால நாகரிகம் அமைந்திருந்த பள்ளத்தாக்கில் பலூன்கள் பறப்பது போன்ற பின்புலத்துடன் வந்துள்ளது பிங்.

கூகிள் தேடு பொறிக்கு சரியான சவாலாக இருக்கும் என பரவலான பேச்சுக்களுடன் வந்திருக்கும் பிங், கூகிள் ஐ போன்றே அதிக பட்ச தெரிவுகளை தர இன்னும் சிறிது காலம் பிடிக்கும் போல தெரிகிறது.கூகிளை விட சற்றே இலகுவாக தேட சில வசதிகள் உதாரணத்திற்கு குறிச்சொல் சம்பந்தப்பட்ட வேறு பல உரல்களையும் இடது பக்கத்தில் காட்டுகிறது.மற்றபடி கூகிளில் உள்ள வசதிகளே பெரும்பாலும் இதிலும் உள்ளன. தேடிப்பாருங்கள் பிங்கில்.

www.bing.com

வீடியோ:இதுவரை பார்த்திராத கோணத்தில் அலைச்சறுக்கு

2009-05-08T01:30:00.008-04:00

BBC நிறுவனம் தற்போது தயாரித்து கொண்டிருக்கும் South Pacific தொடருக்காக TyphoonHD4 அதிவேக அதிதுல்லிய(Hi Speed HD)கேமரா மூலம் ஒளிப்பதிவாளர் ரூடி டீசல் எடுத்துள்ள பிரமிப்பூட்டும் துல்லிய வீடியோ இது.நீரினடியிலும் படம் பிடிக்க கூடியது.சுழன்று வரும் அலைகளுக்கு அடியில் வைத்து அதிகுறை வேகத்தில் படம் பிடித்தது இதுவே முதன் முறை என்கிறார்கள்.

டிலன் லாங்க்பாட்டம் என்னும் அலைச்சறுக்கு வீரர் 12 அடி உயரமுள்ள மாபெரும் அலையின் ஊடே புகுந்து புறப்பட்டு அலைச்சறுக்கி வருவதை படு அசத்தலாக படம் பிடித்துள்ளார் ஒளிப்பதிவாளர் ரூடி டீசல்.(குறைந்த வேக இணைய இணைப்பை கொண்ட நண்பர்கள் Play செய்து சற்று காத்திருந்தால் அதி துல்லிய வீடியோவை காணலாம்).

டிஜிட்டல் மளிகைகடை

2009-05-08T00:21:00.006-04:00

நவீன தொழில்நுட்பங்களால் எதிர்காலத்தில் நுகர்வோருக்கான வசதிகள் எப்படி இருக்கும் என்பதை காட்டுகிறது இந்த வீடியோ.இனிவரும் முழுமையான டிஜிட்டல் காலங்களில் நம் வீட்டு குளிர்பதனப்பெட்டி தன்னை தானே ஸ்கேன் செய்து பால்,தயிர்,குளிர்பானங்கள்,முட்டை போன்றவை தீர்ந்து போனால் உடனே அதிலுள்ள சிறிய கணினி, இணையம் மூலமாக நமக்கு குறுஞ்செய்தி அனுப்பிவிடும்.நாம் உடன் பலசரக்கு கடைக்கு சென்றால், சாமான்கள் சேகரிக்கும் வண்டி நாம் எடுத்து வைக்கும் பொருட்களை அறிந்து கொண்டு பில் போட்டு தயாராக வைத்து விடும்.கடைக்காரரிடம் பணம் செலுத்தவேண்டியது மட்டுமே மிச்சம்.

http://www.youtube.com/watch?v=sSlEa1udYGw

ஜிமெயிலின் உள்ளேயே கூகிள் தேடல்

2009-05-07T01:24:00.008-04:00

வேகமாக ஜிமெயில் மூலம் மின்னஞ்சல் ஒன்று தட்டச்சும் போது திடீரென ஏதேனும் ஒரு விஷயத்தை தேடவேண்டுமென்றால் அந்த உலாவியின் விண்டோவை விட்டு வெளியே வந்து புதியதாக உலாவியின் விண்டோ திறந்து google.com சென்று குறிச்சொல் கொடுத்து வரும் பதிலை அலசி தேர்ந்தெடுப்பதற்கு பதிலாக,தற்போது கூகிளே ஜிமெயிலின் உள்ளே கூகிள் தேடலுக்கான இணைப்பை கொடுக்கிறது.ஜிமெயிலின் நுழைந்து மேலே settings அருகே உள்ள பச்சை நிற ஆய்வு குடுவையை சொடுக்கவும்.தற்போது gmail labs உள்ளே வந்து விட்டீர்கள்.அங்கே 35வது பகுதியில் தற்போது இருக்கும் Google Search சிறப்பம்சத்தை Enable செய்யவும்.
பின்னர் அந்த பக்கத்தின் கீழே உள்ள "Save Changes" சொடுக்கி மாற்றத்தை சேமிக்கவும்.அவ்வளவே.இனி ஜிமெயில் பக்கத்தின் இடது புறம் கூகிள் இணைய தேடலுக்கான உள்ளிடும் பெட்டி காணப்படும்.ஜிமெயிலின் உள்ளே கூகிள் தேடலை உபயோகிக்கலாம்.

தேடி தேர்ந்தெடுத்த உரல்களை ஒரே சொடுக்கில் மின்னஞ்சலில் சேர்த்து அனுப்பலாம்.ஜிமெயிலின் உள்ளே கூகிள் சாட் வசதியும் உள்ளதால் நண்பர்களுடன் அரட்டை அடிக்கும்போது தேவையான விஷயங்களை ஜிமெயிலின் உள்ளேயே தேடி அனுப்பலாம்.இது போல ஜிமெயில் labs சிறப்பம்சங்கள் நிறைய உள்ளன.வேண்டியவற்றை தேர்ந்தெடுக்கலாம்.

yooouuutuuube.com-யூடியுப் வீடியோக்களை மாறுபட்ட வடிவில் காண

2009-05-06T23:56:00.002-04:00

வழக்கமாக யூடியுபில் பார்ப்பது போல் அல்லாமல் வித்தியாசமாக பல சிறு சிறு திரைகளில் ஒரு வீடியோவை பார்க்கலாம் இந்த தளம் மூலமாக.கணினி திரை சற்று பெரியதாக இருந்தால் நன்று.சிறு திரைகள் எண்ணிக்கையை கட்டுப்படுத்திக் கொள்ளலாம்.நமக்கு விருப்பமான யூடியுப் வீடியோவின் URL தேர்ந்தெடுத்து இந்த தளத்தில் உள்ளீடு செய்தால் பல திரை வடிவில் காணலாம்.

http://www.yooouuutuuube.com

இரண்டு உதாரணங்கள் இங்கே.

http://www.yooouuutuuube.com/v/?rows=18&cols=18&id=igP1Mcy5fDI&startZoom=1

http://www.yooouuutuuube.com/v/?rows=18&cols=18&id=pAwR6w2TgxY&startZoom=1

புதிய ஹாரி பாட்டர் திரைப்பட முன்னோட்டம்-HARRY POTTER AND THE HALF-BLOOD PRINCE

2009-04-30T02:20:00.006-04:00

ஜூலை மாதம் வெளிவரும் Harry Potter and the Half Blood Prince திரைப்படம், ஹாரி பாட்டர் வரிசையில் வெளிவரும் 6 வது படம்.குறைந்த வேக இணைய இணைப்பை கொண்ட நண்பர்கள் Play செய்து சற்று காத்திருந்தால் அதி துல்லிய வீடியோவை காணலாம்.

FOLDERS/FILES தகவல் அளவை சுலபமாக,வரைபடத்துடன் கண்டறிய

2009-04-29T22:10:00.006-04:00

சமயங்களில் ஹார்ட் டிஸ்கில் மிக அதிகமாக தகவல்கள் சேர்ந்தவுடன்,வேண்டாதவற்றை நீக்க ஒவ்வொரு Folder ஆக தேடி தேவையில்லாத, மற்றும் இடத்தை ஆக்கிரமிக்கும் Folders அல்லது Files ஐ நீக்குவோம்.அவ்வாறல்லாமல் Space sniffer என்னும் மென்பொருள்( விண்டோஸ் மட்டும்)ஒரு சொடுக்கில் குறிப்பிட்ட டிரைவில் உள்ள அனைத்து Folders அல்லது File களின் தகவல் அளவை Treemap வடிவில், அளவிற்கு தகுந்தவாறு படம் போட்டு காண்பிக்கிறது.613KB அளவே உள்ளது இந்த இலவச மென்பொருள்.கீழே உள்ள தொடுப்பை சொடுக்கி அந்த தளத்திலிருந்து Spacesniffer மென்பொருளை தரவிறக்கி கொள்ளலாம்.

http://www.uderzo.it/main_products/space_sniffer/index.html

ஹோண்டாவின் வித்தியாச விளம்பரம்- Let it Shine

2009-04-28T00:30:00.005-04:00

ஹோண்டாவின் புதிய Insight என்னும் காரை விளம்பரப்படுத்த எடுக்கப்பட்டது இது.நூற்றுக்கணக்கான ஹோண்டா கார்களை நிறுத்தி Headlight வெளிச்சத்தை வைத்து எடுத்துள்ளார்கள்.யுடியுப் போன்ற வீடியோ தளமான Vimeo இந்த விளம்பரத்தை தனது வலைப்பக்கத்தில் வித்தியாசமான ஒளியமைப்புடன் இயக்க உதவியுள்ளது.அவசியம் இந்த சுட்டியின் மூலம் Vimeo தளத்திற்கு சென்று பார்க்கவும்.இந்த தளத்தில் சென்று Play பொத்தானை இயக்கவும்.சுட்டி இங்கே...

http://vimeo.com/4281939

Honda Insight - Let It Shine from Honda on Vimeo.

Angels & Demons டாவின்சி கோடின் முதல் பாகம்- முன்னோட்டம்

2009-04-27T02:12:00.006-04:00

தி டாவின்சி கோட் நாவலை எழுதிய டான் பிரவுனின்(Dan Brown)Angels & Demons என்னும் மற்றுமொரு நாவலே திரைப்படமாக எடுக்கப்பட்டுள்ளது. உண்மையில் Angels&Demons தான் டாவின்சி கோடிற்கு முன்னர் வெளிவந்த நாவல்.இந்த படத்திலும் ஹார்வர்ட் பல்கலை கழக பேராசிரியர் ராபர்ட் லேங்க்டன் ஆக வருகிறார் டாம் ஹாங்க்ஸ்(Tom Hanks).

Apollo 13,A Beautiful Mind,Cindrella Man,மற்றும் The Da Vinci Code படங்களை இயக்கிய Ron Howard இந்த படத்தை இயக்கி உள்ளார்.May 15 அன்று உலகெங்கும் வெளியாகிறது.Angels&Demons இன் முன்னோட்டம் அதி துல்லியமாக.குறைந்த வேக இணைய இணைப்பை கொண்ட நண்பர்கள் Play செய்து சற்று காத்திருந்தால் அதி துல்லிய வீடியோவை காணலாம்.

கூகிள் சாட்டிலைட் படங்களில் ABCD...

2009-04-27T00:47:00.010-04:00

ஆஸ்திரேலியாவின் விக்டோரியா மாகாணத்தை சேர்ந்த கணினி வரைகலை வடிவமைப்பாளர் ரெட் டாஷ்வூட்(Rhett Dashwood)கூகிள் எர்த்தின் சாட்டிலைட் படங்களில் ஆங்கில எழுத்தின் வடிவங்களை தேடிப்பிடித்துள்ளார்.நேரம் கிடைக்கும்போதெல்லாம் இதற்காக தேடியதாக கூறும் ரெட், ஆங்கிலத்தில் உள்ள அனைத்து எழுத்து வடிவங்களையும் தான் வாழும் விக்டோரியா மாகாணத்திலிருந்தே தேடி பிடித்ததாக கூறுகிறார்.இதற்காக ஆறு மாதங்கள் எடுத்துக்கொண்ட ரெட் சென்ற வாரம் தான் K எழுத்தை தேடிப்பிடித்தாராம்.

அதிவேக கேமராவின் அசத்தும் வீடியோ

2009-04-22T00:52:00.008-04:00

அதிவேக கேமராக்கள் பொதுவாக கண்ணிமைக்கும் நேரத்தில் நடந்து முடிந்து விடும் நிகழ்வுகளை அதிவேகமாக அதாவது வினாடிக்கு 1000 Frame கள் வரை படம் பிடிப்பவை.
i-Movix நிறுவனத்தின் Sprint Cam V3 இந்த வகையை சேர்ந்தது. Sprint Cam மூலம் வினாடிக்கு 1000 Frame கள் என எடுக்கப்பட்ட வீடியோக்களின் தொகுப்பு இது.முடிவில் அந்த ஜெல்லி விழுவது சிறப்பு.

வீடியோ: கூகிளின் பத்து வருடங்கள்

2009-04-21T23:51:00.002-04:00

1999 ஆம் ஆண்டு ஒரு தேடு பொறியாக துவங்கப்பட்ட கூகிள் பின்னர் கூகிள் எர்த்,ஜிமெயில்,கூகிள் டெஸ்க்டாப், யுடியுப்,க்ரோம் என பிரமாண்டமாக வளர்ச்சியடைந்துள்ளது. இந்த பத்து வருட வளர்ச்சி வீடியோ வடிவில்...

Philips Carousel அபாரமான குறும்படமும்,உலகின் முதல் சினிமா திரை டிவியும்

2009-04-21T01:00:00.004-04:00

வழக்கமான டியுப் டிவிக்களில் படத்தை காட்ட 4:3 Aspect Ratio பயன்படுத்தப்படுகிறது.அதாவது படத்தின் அளவு நான்கிற்கு மூன்று விகிதத்தில்.தற்போது புழக்கத்தில் வந்துகொண்டிருக்கும் வைட் ஸ்க்ரீன்(Wide Screen)LCD டிவிக்களில் படத்தின் அளவு 16:9 Aspect Ratio வில் பயன்படுத்தபடுகிறது.நல்ல அகலமாக படங்களை காண்பிக்கவே இந்த முறை பயன்படுத்தப்படுகிறது. ஆனால் இதிலும் ஒரு அசௌகரியம்.இம்மாதிரி 16:9 அளவில் காண்பிக்கப்படுபோது டிவி திரையில் படத்திற்கு மேல் பகுதியிலும்,கீழ் பகுதியிலும் கருமையான பகுதி காணப்படும்.இந்த சிக்கலை தீர்த்து பிலிப்ஸ் நிறுவனம் 21:9 Ratio வில் படங்களை காண்பிக்கும் டிவியை உருவாக்கியுள்ளது.திரையரங்கில் காண்பிக்கப்படும் அதே அளவில்(Ratio வில்) ஒரு முழுமையான திரையரங்கு அனுபவத்தை தருகிறது பிலிப்சின் "சினிமா 21:9 டிவி". இந்த டிவி வேலை செய்யும் விதத்தை கீழ்காணும் படம் விவரிக்கிறது.

இந்த டிவி விளம்பரத்திற்கு,பிலிப்ஸ் நிறுவனத்திற்காக ஆடம் பெர்க்(Adam Berg)இயக்கியுள்ள குறும்படம் பிலிப்ஸ் கரோசெல்(Philips Carousel).2 நிமிடங்கள் 19 வினாடிகள் ஓடும் இந்த குறும்படம் முழுவதும் ஒரு தொடர்ச்சியான ட்ராக்கிங் ஷாட் மூலம் Freeze Frame எபெக்டில் மிக அபாரமாக எடுக்கப்பட்டுள்ளது.வங்கியில் கொள்ளையர்களை எதிர்கொள்ளும் காவலர்கள். இது தான் கான்செப்ட்.எப்படி எடுத்துள்ளார்கள் என பாருங்கள்.

இந்த தளத்தில் http://www.cinema.philips.com/?ls=gb_en இந்த படம் எவ்வாறு எடுக்கப்பட்டது என்ற விவரங்களுடன் குறும்படம் காட்டியுள்ளார்கள்.

Fast & Furious (4) - திரை முன்னோட்டம்

2009-04-03T00:50:00.009-04:00

2001ஆம் ஆண்டு வெளியான முதல் பாகத்திற்கு பிறகு இந்த நான்காம் பாகத்தில் Vin Diesel ம் Paul Walker ம் இணைந்துள்ளார்கள்.இன்று திரைக்கு வரும் இந்த திரைப்படத்தின் அதிரடி முன்னோட்டம் இங்கே.வெகு விரைவில் சூடான விமர்சனம் ஹாலிவுட் பாலா தளத்தில் வெளிவரும்.

வீடியோ: உலகின் மிகப்பெரிய அசத்தலான மினியேச்சர் ரயில்வே மாடல்

2009-04-01T22:35:00.003-04:00

ஜெர்மனியின் ஹாம்பர்க்(Hamburg)நகரில் உள்ளது இந்த உலகின் மிகப்பெரிய மினியேச்சர்(Miniature)ரயில்வே மாடல்.16000 சதுர அடி பரப்பளவில் 6.8 மைல்கள் நீளமுள்ள ட்ராக்குகள் உடன் ஐரோப்பிய,அமெரிக்க நாடுகளையே மாடலாக வடிவமைத்துள்ளார்கள்.மினியேச்சர் மாடலில் ஒரு ஏர்போர்ட் தற்போது கட்டிகொண்டுள்ளார்கள்.

நூற்றுக்கணக்கானோர் இணைந்து உருவாக்கியுள்ள இந்த மினியேச்சர் மாடலில் ஜெர்மனி,இங்கிலாந்து,ஸ்வீடன்,சுவிட்சர்லாந்து,அமெரிக்கா என அனைத்து நாடுகளையும் முழுமையாக பிரபல இடங்கள்,கட்டிடங்கள்,நதிகள்,மலைகள்,மனிதர்கள் உடன் 800 ரயில்கள்,170 கணினியால் இயங்கும் கார்கள்,இரண்டு லட்சம் மனிதர்கள் என அனைத்தையும் மினியேச்சர் வடிவில் உருவாகியுள்ளனர்.200 காமேராக்களுடன்,இரவு பகல் விளக்குகள் வெளிச்சத்தை கட்டுப்படுத்த 40 கணினிகள் மூலம் இயக்கப்படும் இந்த மாடலுக்கு ஒரு கட்டுப்பாட்டு அறையும் உண்டு.2000 ஆம் ஆண்டு கட்ட ஆரம்பிக்கப்பட்ட இந்த மாடல் இந்த வருடம் முழுமையாக முடிக்கப்படுகிறது.படு அசத்தலான இந்த மாடலை வீடியோவில் காணுங்கள்.

மைக்ரோசாப்ட்டின் $250,000 பரிசும்,Conficker.C யின் ஏப்ரல் 1 ஆம் தேதி கலவரமும்

2009-03-29T23:59:00.012-04:00

கணினி உலகை கலவரப்படுத்திக் கொண்டுள்ளது இந்த Conficker கணினி Worm. கணினி தொழில்நுட்பத்தில் Worm என்பது தன்னை போலவே மற்றொரு பிரதியை உருவாக்கி கொள்ளும் ஊறு விளைவிக்க கூடிய சிறிய கணினி மென்பொருள்.முக்கியமாக நெட்வொர்க் இணைப்புகளில் உள்ள கணினிகளை குறி வைத்து அவற்றுள் சென்று ஒளிந்து கொண்டு பின்னர் இதனுடன் இணைக்கப்பட்ட Payload எனும் சிறிய கணினி நிரல் கட்டளைகளை ஏற்று அதன்படி செயலாற்றும்.இதை போன்ற ஒரு கணினி worm தான் Conficker.

பொதுவாக வோர்ம்கள் முதலில் பரவி பிறகு,அதை அனுப்பியவர்களில் கட்டளைக்காக காத்திருக்கும் அல்லது Payload எனப்படும் worm உடன் இணைந்த சிறிய கணினி கட்டளை நிரல் அது என்ன செய்ய வேண்டும் என ஆணையிடும்.Conficker விஷயத்தில் இதுவரை அதை உருவாக்கியது யார்,எங்கிருந்து வந்தது,என்ன செய்ய போகிறது,அதையும் எப்போது செய்யும் என யாருக்கும் தெரியாது.கண்டுபிடிக்கவும் முடியவில்லை.படு புத்திசாலித்தனமாக, மிக கடினமான கணித அல்காரிதம்களை கொண்டு உருவாக்கப்பட்டுள்ளதாக கணினி வல்லுனர்கள் கூறுகின்றனர்.

சென்ற ஆண்டு நவம்பர் 21 ஆம் தேதி இந்த Conficker.A வோர்ம் பரவ ஆரம்பித்ததாக கூறப்படுகிறது.இது பரவ விண்டோஸ் கணினிகளில் உள்ள சிறிய பாதுகாப்பு குறைபாடு முக்கிய காரணமாக இருக்கிறது.நெட்வொர்க் கணினிகளில் உள்ள பலவீனமான பாஸ்வோர்ட்களை உடைத்து உள்ளே புகும்.அதன் பிறகு தன்னை தானே பிரதி எடுத்து நெட்வொர்க்கில் உள்ள கணினிகள் மற்றும் USB டிரைவ் பயன்படுத்தும்போது மற்ற கணினிகளுக்கும் பரவ ஆரம்பிக்கிறது.சென்ற ஆண்டு டிசம்பர் மாதம் இதன் அடுத்த பதிப்பாக Conficker.B பரவ ஆரம்பித்தது.பின்னர் உச்சமாக கடந்த பிப்ரவரி மாதம் Conficker.C,இது தான் சக்திவாய்ந்ததாக கருதப்படுகிறது,பரவியது.இவை ஒரே வோர்மின் மேம்படுத்த பட்ட மென்பொருட்கள்.உடனடியாக மைக்ரோசாப்ட் நிறுவனம் patch களை கொடுக்க ஆரம்பித்தது.

Sophos நிறுவனத்தின் கணினி பாதுகாப்பு வல்லுநர் கிரகாம் க்ளுலே(Graham Cluley) கூறும் போது, "இது உலகம் முழுவதும்,தாக்க தயாராக உள்ள ஒரு கணினி ராணுவத்தை உருவாக்கி வைத்திருப்பது போல் தோன்றுகிறது" என்கிறார்.இந்நிலையில் தான் வரும் ஏப்ரல் 1 ஆம் தேதி அன்று இந்த வோர்ம் உலகம் முழுவதும் பரவியுள்ளதாக கருதப்படும் 90 லட்சம் கணினிகளை தாக்க போவதாக ஊடகங்களில் செய்திகள் வருகின்றன.அன்று ஏதாவது செய்யும் என்று நிச்சயம் சொல்வதற்கில்லை என்கிறார் கிரகாம் க்ளுலே.வழக்கம் போல ஊடகங்கள் கலவரப்படுத்தி கொண்டுள்ளன.ஆனால் ஒரு நாளில் mphtfrxs.net, imctaef.cc,hcweu.org,sdksjiewl.com இப்படி 50,000 க்கும் அதிகமான டொமைன் பெயர்களை கொண்ட போலியான தளங்களுக்கு தொடர்புகளை ஏற்படுத்தும்.ஆனால் அவற்றில் ஒன்றே ஒன்றுதான் இதை அனுப்பியவரின் தளமாக இருக்கலாம் என தெரிகிறது.

மேலே சொன்ன ஒரு நாளில் 50,000 தளங்களை தொடர்பு கொள்ள ஆரம்பித்து அவற்றில் உள்ள ஒரே ஒரு தளத்திலிருந்து அது என்ன செய்ய வேண்டும் என கட்டளைகளை வாங்க ஆரம்பிக்கலாம்.அப்படி ஆரம்பித்தால்,நூற்றுக்கணக்கான Spam மின்னஞ்சல்களை அனுப்புவது,மேலும் பலவீனமான பாஸ்வேர்டுகளை உடைத்து மேலும் தன்னை மேம்படுத்திக்கொண்டு புகுவது,நெட்வொர்க் இணைப்புகளை பலவீனமாக்கி,தகவல் பரிமாற்றத்தை தடை செய்வது,இதை ஒரு சைபர் ஆயுதமாக பயன்படுத்தி அரசாங்க தளங்களை தாக்குவது போன்ற செயல்களை செய்ய ஆரம்பிக்கலாம் என கணினி வல்லுனர்கள் பல சாத்தியங்களை கூறுகின்றனர்.ஏற்கனவே இங்கிலாந்தின் பாராளுமன்ற கணினி அமைப்பில் புகுந்துள்ளது Conficker வோர்ம்.

Symantec நிறுவனத்தின் கருத்துப்படி ஏப்ரல் 1 ஆம் தேதிக்கு பிறகு Conficker C தாக்கிய கணினி மைக்ரோசாப்ட்டின் பாதுகாப்பு Updates பெறமுடியாதபடி தடுக்கலாம்.மேலும் அதை உருவாகியவர்கள் உடைப்பதற்கு மிக கடினமான முறையை கொண்டு ஒளிந்து கொண்டுள்ள வோர்ம்களை தொடர்பு கொள்ள முயற்சிக்கலாம் என கூறுகிறது.

மைக்ரோசாப்ட் நிறுவனம் இந்த Conficker வோர்மை கண்டுபிடித்தவர் பற்றிய தகவல்களை ஆராய்ந்து கூறினால் $ 250,000 டாலர்கள் பரிசு தரப்போவதாக கூறியுள்ளது.

Conficker வோர்மை தடுக்க விண்டோஸ் இன் Updates களை உடனுக்குடன் நிறுவ வேண்டும்.Symantec,Mcafee நிறுவனங்கள் ஏற்கனவே இந்த Conficker வோர்மை அழிக்கும் Updates களை கொடுத்துள்ளன.

பூமிக்கு வாக்களித்து பூமி நேரத்தை பாவியுங்கள்

2009-03-25T22:33:00.010-04:00

இந்த ஆண்டு மார்ச் மாதம் 28 ஆம் தேதி இரவு 8:30 மணி முதல் 9:30 மணி வரை இந்த பூமி நேரம் உலகெங்கும் பாவிக்கப்படுகிறது.உலகில் எந்த இடத்தில் நாம் இருந்தாலும் 28 ஆம் தேதியன்று இரவு 8:30 மணி முதல் 9:30 மணி வரை விளக்குகள்,மின்சாதனங்களை நிறுத்தி பூமி நேர இயக்கத்தில் பங்கு கொள்ளலாம்.

உலகம் வெப்பமயமாதல்(Global Warming)குறித்த விழிப்புணர்வு ஏற்பட 2007 ம் ஆண்டு World Wildlife Fund மூலம் ஆஸ்திரேலியாவின் சிட்னி நகரில் ஆரம்பிக்கப்பட்ட ஒரு நிகழ்வு தான் பூமி நேரம்(Earth Hour)எனப்படுகிறது.இதன் படி ஒவ்வொரு வருடமும் மார்ச் மாதம் கடைசி சனிக்கிழமையன்று இரவு ஒரு மணி நேரம் வீடுகள்,அலுவலகங்கள்,பொது இடங்கள், மற்றும் தொழிற்சாலைகளில் என அனைத்து இடங்களிலும் விளக்குகள் அணைக்கப்பட்டு மின்சார சாதனங்கள் நிறுத்தப்படுகின்றன.

உலக வெப்பமயமாதல் தற்போது உலகை அச்சுறுத்தும் முக்கிய காரணியாக இருக்கிறது. தொழிற்சாலைகள்,வாகனங்கள் வெளியிடும் புகை,அசுத்தங்களால் காற்று மண்டலத்தில் வெப்பநிலை அதிகரிக்கிறது.ஆகவே துருவங்களில் உள்ள பெரும் பனிப்பாறைகள் உருகுகின்றன.கடல் நீர் மட்டம் அதிகரிக்கிறது.

மின்சாரம் தயாரிக்க உலகம் முழுவதும் பெரும்பாலும் நிலக்கரி உபயோகிக்கப்படுகிறது.மின் நிலையங்களில் இதற்காக பயன்படுத்தப்படும் நிலக்கரி, மின் உற்பத்தி முடிந்தவுடன் கரியாக மாறி காற்று மண்டலத்தில் சேர்கிறது.உலக வெப்பமயமாதலுக்கு முக்கிய காரணமாக இது உள்ளது.

Al Gore எழுதிய "An Inconvenient Truth"(ஒரு சங்கடமான உண்மை)என்னும் புத்தகத்தில் உலக வெப்பமயமாதலுக்கு உலகில் உள்ள நாடுகளில் அமெரிக்கா மட்டும் 30 சதவிகிதம் காரணமாக இருப்பதை குறிப்பிடுகிறார். ஐரோப்பிய நாடுகள்,சீனா,ரஷ்யா,கனடா,ஆஸ்திரேலியா நாடுகளும் தன் பங்கிற்கு சுற்று சூழலை மாசுபடுத்துகின்றன.இந்தியாவிலும் ஒவ்வொரு நாளும் 25000 க்கு மேற்பட்ட கார்கள் மற்றும் ஆயிரக்கணக்கான வாகனங்கள் சாலைக்கு வருகின்றன.

2007 ஆண்டு சிட்னி நகரில் ஒரு மணி நேரம் மின்சாரம் நிறுத்தப்பட்டபோது நகரின் 22 லட்சம் மக்கள் இந்நிகழ்வில் கலந்து கொண்டு 10 சதவிகிதம் மின் சக்தியை மிச்சப்படுத்தினர். ஊடகங்கள்,இணையம் மூலம் இந்த செய்திகளை இடம் பெற செய்து சென்ற 2008 ஆம் அண்டு 35 நாடுகளில் உள்ள 5 கோடி மக்கள் கலந்து கொண்டனர்.

இந்த ஆண்டு மார்ச் மாதம் 28 ஆம் தேதி இரவு 8:30 மணி முதல் 9:30 மணி வரை இந்த பூமி நேரம் உலகெங்கும் பாவிக்கப்படுகிறது.உலகில் எந்த இடத்தில் நாம் இருந்தாலும் 28 ஆம் தேதியன்று இரவு 8:30 மணி முதல் 9:30 மணி வரை விளக்குகள்,மின்சாதனங்களை நிறுத்தி பூமி நேர இயக்கத்தில் பங்கு கொள்ளலாம்.

இந்த ஆண்டு 84 நாடுகளில் உள்ள மக்கள் பூமி நேரத்தை பாவிக்க உள்ளார்கள்.இம்முறை 100கோடி மக்களை பங்கெடுக்க செய்ய முயற்சி மேற்கொண்டுள்ளனர்.இந்த ஆண்டு இது போல் பூமி நேரம் பாவிப்பது பூமிக்கும்,உலக வெப்பமயமாதலுக்கும் இடையேயான போட்டியாக கருதப்பட்டு நீங்கள் விளக்குகளை அணைத்தால் பூமிக்கு வாக்களிப்பது போலவும்,அணைக்காவிட்டால் உலக வெப்பமயமாதலுக்கு வாக்களிப்பது போலவும் ஒரு கருத்துரு உருவாக்கப்பட்டுள்ளது.இந்த நிகழ்வுக்கு பின்னர் இந்த விழிப்புணர்வை பற்றிய விவரங்களை கோபென்ஹேகனில் நடைபெறும் உலக காலநிலை மாற்ற மாநாட்டில்(Global Climate Change Conference)சமர்ப்பிக்கவுள்ளனர்.

மின் சக்தி தேவை குறையும் போது மின் நிலையங்களில் நிலக்கரி உபயோகமும் குறைகிறது.உலகம் முழுவதும் இம்முறை மக்கள் பங்கு பெற்றால் அதிக அளவு மிச்சப்படுத்தலாம்.இது ஒரு சிறிய முயற்சியே.இதன் பின்னால் மறைமுக நன்மைகள் அதிகமே.

சென்ற வருடம் கூகிள் வலைத்தளம் கூட அன்று ஒரு நாள் தன் முகப்பு பக்கத்தை கருப்பு நிறத்தில் இருண்டதாக அமைத்திருந்தது.

(கூகிள் இது போன்று உலக நிகழ்வுகளை சுவாரஸ்யமாக தன் தளத்தில் காண்பிப்பதை கீழே உள்ள தொடுப்பை சொடுக்கி அறிந்து கொள்ளலாம்.
கூகிள் லோகோக்கள்-சில சுவாரஸ்யமான தகவல்கள் )

நகரமயமாக்கல் மற்றும் பரபரப்பான வாழ்க்கையில் இயந்திரம் போல இயங்கி கொண்டிருக்கிறோம்.இந்த ஒரு மணி நேரம் விளக்குகள்,தொலைக்காட்சி இன்ன பிற சாதனங்களை அணைத்து விட்டு குடும்பத்தினருடன் மனம் விட்டு பேசி மகிழலாம்.பல வாரங்களாக அதீத வேலைப்பளு காரணமாக சோர்வடைந்துள்ள நான் இந்த பூமி நேரத்தின் போது தங்கமணியுடன் காலாற சிறிது தூரம் நடந்து சென்று வரலாம் என எண்ணியுள்ளேன்.

பூமி நேர நிகழ்வின் அதிகார பூர்வ இணைய தளம் இது.

www.earthhour.org

பூமி நேரம் பற்றிய வீடியோ

நாசாவிற்கு சவால் விட்ட நான்கு ஸ்பானிஷ் மாணவர்கள்

2009-03-24T22:27:00.013-04:00

ஸ்பெயின் நாட்டில் உள்ள கேடலோனியா(Catalonia)என்னும் ஊரில் உள்ள பள்ளியில் படிக்கும் ஜெரார்ட்(Gerard),செர்ஜி(Serji),மார்ட்டா(Marta),ஜெவும்(Jaume)என்னும் நான்கு மாணவர்கள் தங்கள் ஆசிரியரோடு இணைந்து தங்கள் பள்ளிக்கூட அறிவியல் திட்டத்திற்காகவும்(Project),கால நிலை,புவி மண்டல மாறுபாடுகளை அறிவதற்காகவும் ஒரு பலூனை சாதாரண காமெராவோடு வானில் அனுப்பி அசத்தலான புகைப்படங்கள் எடுத்து வர வைத்து சாதனை புரிந்துள்ளனர்.

இந்த சாதனைக்கு ஸ்பானிஷ் மாணவர்கள் உபயோகப்படுத்தியது 60 டாலர்கள் மதிப்புள்ள ஹீலியம் வாயு நிரப்பப்பட்ட லேடக்ஸ் பலூன்,80 டாலர்கள் மதிப்புள்ள ஒரு சாதாரண நிகான் கேமரா,ரேடியோ ட்ரான்ஸ்மிட்டர்,ரிசீவர்,மற்றும் கூகிள் எர்த்.சென்ற பிப்ரவரி மாதம் 28 ஆம் தேதி காலை 9.10 மணிக்கு குறிப்பிட்ட நேர இடைவெளியில் தானாகவே படம் பிடிக்க கூடிய முறையில் அமைக்கப்பட்ட நிக்கான் கேமரா,ட்ரான்ஸ் மிட்டர் சாதனங்களை பாதுகாப்பாக வடிவமைத்து(ஏனெனில் வானில் மேலே செல்ல வெப்பநிலை அதீதமாக குறைந்து மைனஸ் 65 செல்சியஸ் வரை குறையக்கூடும்)ஒன்றரை கிலோ எடைகொண்ட அவர்களின் காலநிலை அளக்கும் சாதனத்தை ஹீலியம் வாயு நிரப்பப்பட்ட பலூனில் பொருத்தி வானில் அனுப்பினர்.

இந்த மாணவர் குழுவின் தலைவர் ஜெரார்ட்,"பலூனை வானில் அனுப்பிவிட்டு கூகிள் எர்த் மற்றும் ரிசீவரை கொண்டு நாங்கள் பலூனின் பாதையை நோட்டமிட ஆரம்பித்தோம். அதிகபட்சம் 10000 அடி முதல் 30000 அடிகள் வரை தான்,அதாவது சாதாரணமாக விமானங்கள் செல்லும் அதிகபட்ச உயரம்,அது செல்லும் என நினைத்தோம்" என்று கூறுகிறார்.

ஆனால் அந்த பலூன் அவற்றை கடந்தது 100000 அடிகள் மேலே சென்றது.கிட்டத்தட்ட 30 கிலோமீட்டர்கள் உயரம்.பின்னர் மெதுவாக ஹீலியம் வாயு பலூனில் குறையதொடங்கியதும் உயரமிழக்க தொடங்கி,பறக்க விடப்பட்ட இடத்திலிருந்து 10 கிலோமீட்டர்கள் தள்ளி பூமியில் விழுந்தது.

மிகுந்த வெப்பநிலை மாற்றங்களை கடந்திருந்தாலும் அவர்களின் காலநிலை பெட்டியின் ட்ரான்ஸ்மிட்டர்,கேமராவின் நினைவக அட்டை(Memory Card) செயல்பாட்டு நிலையிலேயே இருந்தன.பாடபுத்தகங்கள் சொல்லி கொடுக்காத பல விஷயங்களை இந்த முயற்சி தங்களுக்கு சொல்லி தந்ததாக கூறுகிறார்கள் இந்த மாணவர்கள்.பள்ளி மாணவர்களின் இந்த முயற்சி பல ஆராய்ச்சியாளர்களை கவர்ந்துள்ளது.ஆரம்பம் முதல் முடிவு வரை அவர்கள் முயற்சி மற்றும் அவர்களின் சாதனம் வானில் எடுத்த புகைப்படங்கள்.

அவர்களின் ப்ராஜக்டின் முழுமையான படங்களுக்கு கீழே உள்ள தொடுப்பை சொடுக்கவும்.

http://www.flickr.com/photos/meteotek08/

வீடியோ: கடலடி எரிமலையின் வெடிச்சீற்றம்

2009-03-23T22:28:00.004-04:00

நியூசிலாந்துக்கு அருகே தெற்கு பசிபிக் கடல் பகுதியில் உள்ள சிறிய தீவு நாடு டோங்கா (Tonga).இந்த நாட்டின் கடற்பரப்பில் கடலின் அடியில் உள்ள எரிமலை ஒன்று நான்கு நாட்கள் முன்பு வெடித்து குமுறி எரிமலை குழம்பை பீய்ச்சியடித்தது.அந்த வழியாக கப்பலில் சென்ற ஆய்வாளர்கள் குழு எடுத்த வீடியோ இங்கே.

Sun Microsystems நிறுவனத்தை விலை பேசும் IBM

2009-03-18T22:02:00.004-04:00

ஐபிஎம் நிறுவனம் 6.5 பில்லியன் டாலர்கள் விலை கொடுத்து சன் மைக்ரோ சிஸ்டம்ஸ் நிறுவனத்தை வாங்க பேச்சு வார்த்தை நடத்தி வருவதாக தகவல்கள் தெரிவிக்கின்றன.இந்த செய்தி வெளி வந்தவுடன் இன்று அமெரிக்க பங்குச்சந்தையில் சன் மைக்ரோ நிறுவனத்தின் பங்குகள் 78.67% சதவீதம் அதிகரித்தது.மேலதிக விபரங்களுக்கு கீழே உள்ள தொடுப்பை சொடுக்கவும்...

http://www.msnbc.msn.com/id/29752352

http://news.yahoo.com/s/nm/20090318/bs_nm/us_sunmicro_takeover_ibm

சாம்சங்கின்(Samsung) உலகின் மிகப்பெரிய செல்போன்

2009-03-13T01:05:00.006-04:00

சாதனைக்காக என்றாலும் துல்லியமாக வேலை செய்கிறது இந்த செல்போன்.ஆனால் ஏணியில் ஏறித்தான் டயல் செய்யமுடியும்.:-)) சாம்சங் மற்றும் கிரிக்கெட் நிறுவனங்கள் இணைந்து தயாரித்துள்ள இந்த செல்போன் சிகாகோவில் மார்ச் 11 அன்று பார்வைக்கு வைக்கப்பட்டது.13 அடி உயரம் மற்றும் 15 அடி நீளம் கொண்ட இந்த போன் வழக்கமான செல்போன்கள் போலவே அழைப்புகள்,SMS வசதியும் கொண்டது.கின்னஸ் சாதனை புத்தகத்தில் இடம்பெற்றுள்ளது இந்த செல்போன்.

விக்கிபீடியாவிலிருந்து மென்புத்தகம்(PDF) தயாரிப்பது எப்படி?

2009-03-12T08:14:00.005-04:00

தகவல் களஞ்சியமான விக்கிபீடியா(Wikipedia)ஆங்கிலத்தில் மட்டும் மூன்று கோடி தகவல் பக்கங்களை கொண்டுள்ளது.அதிலிருந்து நமக்கு வேண்டிய தகவல் பக்கங்களை தொகுத்து மென்புத்தகமாக PDF வடிவில் தரவிறக்கிக் கொண்டால் இணையதொடர்பு இல்லாமல் படித்து கொள்ளலாம்.அச்சடித்து கொள்ளலாம்.ஒரு உதாரணத்திற்கு நாம் தமிழ்நாடு மற்றும் தமிழ் உணவு வகைகளை பற்றிய பக்கங்களை PDF வடிவில் தரவிறக்குவோம்.

முதலில் விக்கிபீடியாவில் ஒரு பயனர் கணக்கை(Account)உருவாக்க வேண்டும்.

பின் உள்நுழைந்து நமக்கு வேண்டிய பக்கத்தை தேடி,இடது பக்கத்தில் உள்ள Create Book என்னும் பகுதியில் "Add Wiki Page" ஐ சொடுக்கி நாம் தேடிய பக்கத்தை சேமிக்கலாம்.இது போல் நமக்கு தேவையான பக்கங்களை மேலும் சேர்த்துக்கொள்ளலாம்.

பின்னர்,"Show Book" ஐ சொடுக்கி நாம் சேர்த்த பக்கங்களுக்கு உரிய தலைப்பை கொடுத்து PDF வடிவில் தரவிறக்கிக் கொள்ளலாம்.PDF வடிவில் மாற்றும் போது விக்கிபீடியாவே பக்கங்களை,படங்களை தகுந்த முறையில் நேர்படுத்தி தருகிறது.

அசத்தலாக வடிவமைக்கப்பட்ட லோகோக்கள்(Logos)

2009-03-10T20:57:00.013-04:00

இங்கே கொடுக்கப்பட்டுள்ள லோகோக்கள்(Logos)உலகின் பல பாகங்களில் உள்ள நிறுவனங்கள்,கடைகள்,அமைப்புகள் ஆகியவற்றுக்காக சற்று புத்திசாலித்தனமாக,அசத்தலாக,கவரும் வகையில் வடிவமைக்கப்பட்டுள்ளன.

பல சமயங்களில் நிறுவனங்களின் பெயர்களை அவற்றின் லோகோக்களை வைத்தே அறிந்து கொள்ளலாம்.மக்கள் மனதில் எளிதில் பதியக்கூடியது நல்ல முறையில் வடிவமைக்கப்பட்ட நிறுவனங்களின் லோகோக்கள்.இங்கு கொடுக்கப்பட்டுள்ளவைகளில் சில லோகோக்களை உற்று கவனித்தால் அது சொல்ல வரும் விஷயம் புரியும்.

Message

Play

Business Secret

Maverick Trousers

சமீபத்தில் குலுங்க வைத்த வடிவேலு காமெடி

2009-03-09T02:00:00.003-04:00

இது எந்த திரைப்படத்தில் இடம்பெற்றது என தெரியவில்லை.எப்போது வெளி வந்தது எனவும் தெரியவில்லை.ஒரே ஷாட்டில் வடிவேலு வசனம் பேசியுள்ளார்.முடிவில் கடைக்காரர் டைமிங் வசனம் பேசியவுடன் வடிவேலு முகத்தில் தெரியும் அயர்ச்சி நல்ல சிரிப்பை வரவழைத்தது :-))))))))

பிரமிக்க வைக்கும் நானோ உலகப்பயணம்

2009-03-09T01:12:00.009-04:00

அறிவியலில் ஆர்வமிருப்பவர்கள் அவசியம் பார்வையிடவேண்டிய தளமிது.மனிதர்களால் வெறும் கண்களால் காணமுடியாத நுண்ணிய பொருட்களை உதாரணமாக ஒரு மனிதரின் கையின் மேல் அமர்ந்திருக்கும் கொசுவின் காலில் ஆரம்பித்து காட்சிகளை பெருக்கி வெறும் கண்களால் காணமுடியாத மனிதர்களின் இரத்தகுழாய்,செல்,நியுக்ளியஸ், க்ரோமோசோம்,டி என் ஏ,டி என் ஏ வை கட்டமைக்கும் அடினைன்,குவனைன்,
தையமின்,சைடோசின் என உள்ளே புகுந்து பின் அதனினும் சிறிய,அவைகளை பிரித்தால் வரும் கார்பன் அணு,கார்பன் அணுவின் 6 எலெக்ட்ரான்கள்,அந்த 6 எலெக்ட்ரான்கள் சுற்றிவரும் கார்பன் அணுக்கரு,ப்ரோட்டான்கள்,நியூட்ரான்கள் என இதுவரை அறிவியல் கடைசியாக அறிந்துள்ள குவார்க்குகள்(Quarks)வரை எவ்வாறு இருக்கும் என வரைகலை மூலம் விளக்கியுள்ளனர்.

அதே போல் கணினி உலகில் கீ போர்ட் மேல் ஆரம்பித்து மைக்ரோ சிப்,ட்ரான்சிஸ்டர்,செமி கண்டக்டர்,சிலிகான் வரை செல்கிறது.

கீழே உள்ள இந்த உரலை சொடுக்கி,உள்ளே நுழைந்து Check-In என்ற பெட்டியை சொடுக்கி நானோ உலகப்பயணத்தை தொடங்குங்கள்.

நானோ உலகப்பயணம்

(ஒரு நானோ மீட்டர் என்பது ஒரு மீட்டரில் 1,000,000,000ல் (ஒரு பில்லியனில்) ஒரு பங்கு.ஒரு நானோ மீட்டர் நீளத்தில் 8 முதல் 10 அணுக்கள் வரை அமர முடியும். சாதாரணமாக மனிதர்களின் தலைமுடியானது 70,000 முதல் 80,000 நானோ மீட்டர் தடிமனுடையது.)

சமீபத்தில் ரசித்த இரு விளம்பரங்கள்

2009-03-02T23:12:00.006-05:00

துல்லிய ஒலியை வழங்குகிறது இந்த நிறுவனத்தின் ஒலிப்பெருக்கிகள்

De Lijn(The Line)என்னும் பெல்ஜியத்தின் அரசாங்க போக்குவரத்து நிறுவனத்தின் விளம்பரம் இது.

டிஜிட்டல் குறிப்புகள்: 2 மார்ச் 2009

2009-03-02T01:25:00.012-05:00

பிரான்சிலுள்ள ஒரு சிறிய அழகிய ஊரின் பெயர் Eu.பெயரே அவ்வளவு தான்.கடற்கரையை அருகில் கொண்டுள்ள இந்த ஊர் வரலாற்று முக்கியத்துவம் வாய்ந்த,இயற்கை அழகை கொண்டது.ஆனால் இந்த ஊரை கூகிளில் Eu என தேடிப் பார்த்தால் European Union பற்றியோ அல்லது .eu என்னும் ஐரோப்பிய இணைய தளங்களோ அல்லது
இயூரோப்பியம்(Europium)என்னும் தனிமத்தை பற்றியோதான் கூறுகிறது.

இதனால் சுற்றுலா வருபவர்களுக்கு இந்த ஊரைப் பற்றி அதிகம் தெரிய வராமல் ஊருக்கு வர வேண்டிய வருமானம் குறைந்து போவதாக அதன் மேயர் மேரி பிரான்காயஸ் கருதுகிறார்.ஆகவே இந்த ஊரின் பெயரை மாற்றி விட முடிவு செய்துள்ளார்கள்.
மூன்று பெயர்கள் இறுதியாக்கப்பட்டு(Ville d'Eu,Eu-le-Château,Eu-en-Normandie) ஊர் மக்களின் வாக்கெடுப்பிற்கு பின்னர் ஊரின் புதிய பெயர் தேர்ந்தெடுக்கப்படும்.
--------------------------------------------------------------------------------------------------------------

சாம்சங் நிறுவனம் உலகின் முதல் சூரிய சக்தி தொடுதிரை(Touch Screen)செல்பேசியை தயாரித்துள்ளது.Blue Earth என்று பெயரிடப்பட்டுள்ள இந்த செல்பேசி சுற்றுப்புற சூழல் ஆர்வலர்களிடையே நல்ல வரவேற்பு பெறும் என எதிர்பார்க்கப்படுகிறது.
தற்கால சுற்றுப்புற சூழலின் பெரிய பிரச்சினை குடிநீர் பிளாஸ்டிக் பாட்டில்கள்.எளிதில் மட்காத இந்த பாட்டில்களை உபயோகப்படுத்தி தயாரிக்கப்பட்ட இந்த ப்ளூ எர்த் செல்பேசிகளின் பின்புறத்தில் சூரிய சக்தியை உள்வாங்கும் தகடுகள் அமைக்கப்பட்டுள்ளன.மேலும் சூரிய சக்தி கிடைக்காத நேரங்களின் உபயோகப்படுத்த மிக குறைந்த அளவு மின்சாரத்தை எடுத்துக்கொண்டு செயல்படும் சார்ஜரும் உண்டு.

----------------------------------------------------------
உலகில் பல இயந்திரங்கள் நவீன மயமாகிக்கொண்டிருக்கும் வேளையில் தையல் இயந்திரங்கள் மட்டும் விட்டுவைக்கப்படுமா? Brother என்னும் அமெரிக்க நிறுவனம் தயாரித்துள்ள QuattroT 6000D எனும் தானியங்கி தையல் இயந்திரம் அதி துல்லிய வீடியோ(High Definition Video)எடுக்கும் கேமரா,சிறு கணினி,அதி துல்லிய திரை மற்றும் USB போர்ட் ஆகியவற்றுடன் வந்துள்ளது.

எம்ப்ராய்டரி போன்ற நுண்ணிய வேலைப்பாடுகளை செய்ய அதன் வடிவமைப்பை உள்ளீடு செய்து விட்டால் இந்த தையல் இயந்திரம் தானியங்கு முறையில் விரைவில் முடித்து விடுகிறது.வேலையின் முன்னேற்றத்தை தூரத்தில் அமர்ந்து அதி துல்லிய திரையில் நோட்டமிடுவது மட்டுமே நமது வேலை.

-----------------------------------------------------------------------------------------------------------------

உணவகங்களில் தண்ணீர்,காப்பியை கொண்டுவந்து வைக்கப்படும் தம்ளர்களில் இது இன்ன கடையிலிருந்து திருடப்பட்டது என எழுதப்பட்டிருப்பதை நாம் பார்த்திருப்போம்.இப்போது உங்கள் லேப்டாப் திருடப்பட்டுவிட்டால் "நான் திருடப்பட்டுவிட்டேன்.உதவி!உதவி!" என லேப்டாப் சத்தம் போட்டு ஊரைக் கூட்டும்.அமெரிக்காவின் கொலராடோவை சேர்ந்த Frontdoor Softwares என்னும் நிறுவனம் வடிவமைத்துள்ள மென்பொருளை லேப்டாப்பில் நிறுவவேண்டும்.அசந்தர்ப்ப வசமாக லேப்டாப் திருடப்பட்டு விட்டால்,உடனடியாக இந்த மென்பொருள் நிறுவனத்தை தொடர்பு கொண்டால்,அவர்கள் திருடுபோன லேப்டாப்பை அலறவைத்து விடுவார்கள்.அதுமட்டுமன்றி லேப்டாப்பில் நிறுவப்பட்ட இந்த மென்பொருள் அருகில் கிடைக்கும் இணைய தொடர்பை உபயோகப்படுத்தி அது இருக்கும் இடத்தை பற்றி மென்பொருள் நிறுவனத்திற்கு தகவல் அனுப்பும்.

--------------------------------------------------------------------------------------------------------------

நோக்கியா நிறுவன தலைவர் ஒல்லி பெக்கா(olli pekka kallasvuo)சென்ற வாரம் அளித்த பேட்டியில் நோக்கியா நிறுவனம் விரைவில் லேப்டாப் தயாரிக்க தொடங்கப்போவதாக கூறியுள்ளார்.பின்லாந்தை தலைமையிடமாக கொண்டு இயங்கும் நோக்கியா உலகின் No 1 செல்பேசி தயாரிப்பு நிறுவனம்.பின்லாந்தில் உள்ள நோகியான்விர்டா (Nokianvirta)என்னும் நதியின் பெயரிலிருந்து நோக்கியா என்னும் பெயர் வைக்கப்பட்ட இந்நிறுவனம் ஆரம்பத்தில் ரப்பர் மற்றும் கேபிள்கள் தயாரிக்கும் நிறுவனமாக இருந்தது.

வீடியோ: அதிசய,அரிய வகை ஒளி ஊடுருவும்(See through) தலை மீன்

2009-02-25T22:43:00.006-05:00

MBARI என்னும் கலிபோர்னியாவை சேர்ந்த Monterey Bay நீர் வாழ் உயிரின காட்சி ஆராய்ச்சி நிலையத்தை(Monterey Bay Aquarium Research Institute )சேர்ந்த விஞ்ஞானிகள் ப்ரூஸ் மற்றும் கிம் சமீபத்தில் கடலடி ரோபோக்களான ROV(Remotely operated Vehicles)மூலம் செய்த ஆராய்ச்சியில் இந்த அதிசய பீப்பாய் கண் மீனை(Barreleye Fish)[விலங்கியல் பெயர்:Macropinna microstoma] பற்றிய அதிக விவரங்கள் தெரியவந்துள்ளன.1939 ஆம் ஆண்டு கண்டறியப்பட்ட இந்த மீனை ஆராய்வது கடந்த 50 வருடங்களுக்கு மேலாக உயிரியல் ஆராய்ச்சியாளர்களுக்கு பெரும் சவாலாக இருந்து வந்தது.இந்த அரிய பீப்பாய் கண் மீன் வகை கடலடியில் 2000 அடிகளில் சூரிய வெளிச்சம் சரியாக குறைந்து இருட்டு ஆரம்பிக்கும் ஆழத்தில் வசிப்பவை.

தற்போது கடலடி ரோபோக்களை உபயோகித்து இதை படம் பிடித்து பின்னர் கவனமாக ஆராய்ச்சி நிலையத்திற்கு கொண்டு வந்து ஆராய்ந்து வருகின்றனர்.இந்த மீனின் சிறப்பம்சம் ஒளி ஊடுருவும் இதன் தலைப்பகுதி.மிக சிறப்பான பச்சை நிற பெரிய கண்களை உடையது.அந்த கண்கள் மூலம் ஒளி ஊடுருவும் தலை பகுதியை உபயோகித்து தலையை அசைக்காமல் தலைக்கு மேலே உள்ள விசயங்களை பார்க்க முடியும்.எதிரிகளிடமிருந்து காப்பாற்றிக்கொள்ளவும்,இரையை கவ்வவும் மிகவும் உபயோகமாக உள்ளது.கடலடி சூழ்நிலைக்கேற்ப இந்த மீன் பரிணமித்துள்ளது.

இந்த மீனின் தலை பகுதி மிக தெளிவான தூய நீர் நிரம்பி உள்ளது.பல மணி நேரம் நீரில் அசையாமல் நிற்கும் திறன் கொண்ட இம்மீன் தனது பெரிய பச்சை நிற கண்கள் மூலம் அசையாமல் எல்லா பக்கமும் பார்க்கும் திறன் கொண்டது.இந்த மீன் மேல்புறம் பார்க்கும் போது இதன் கண்களில் மேல் புறம் உள்ள பச்சை நிறமிகள்(Pigments)சூரிய வெளிச்சத்தை கண் கூசாமல் தடுத்து கட்டுப்படுத்துகிறது.இந்த வீடியோவில் பேசுவது இதன் ஆராய்ச்சியாளர் ப்ரூஸ்.(இது அதி துல்லிய வீடியோ(High Definition Video)ஆதலால் படம் ஓடுவது இணைய இணைப்பின் வேகத்திற்கேற்ப சற்று தாமதமாகலாம்)

உலகின் முதல் ATM இயந்திரம்

2009-02-24T22:27:00.009-05:00

எந்த நேரத்திலும் பணம் எடுத்து கொள்ளவும்,வங்கி பரிவர்த்தனைகள் செய்யவும் இன்று ATM களின் பங்கு அன்றாட வாழ்வில் முக்கியமானது.நகரங்களில் மட்டுமன்றி சிறிய ஊர்களிலும் ATM கள் புழக்கத்திற்கு வந்து வங்கிகளுக்கு அருகே மட்டுமின்றி வணிக அங்காடிகள்,ரயில்,விமான நிலையங்கள் மற்றும் மக்கள் அதிகம் புழங்கும் இடங்களிலும் வந்து இன்று அன்டார்டிகாவிலும் ஒரே ஒரு ATM இருக்கிறது.உலகின் தென்கோடி ATM இதுவே ஆகும்.

ATM கண்டுபிடித்த ஜான் ஷெபர்ட் பாரன்

உலகின் முதல் ATM பார்க்லேஸ்(Barclays) வங்கியால் 1967 ஆம் ஆண்டு வடக்கு லண்டனில் உள்ள என்பீல்ட் டவுன்(Enfield Town) என்னுமிடத்தில் அமைக்கப்பட்டது.ஜான் ஷெபர்ட் பாரன்(John Sheperd Barron) கண்டுபிடித்த ATM இயந்திரத்தை பற்றி அவர் கூறும் போது,காசு போட்டால் சாக்லேட் தரும் இயந்திரத்தின் இயங்குமுறையை அடிப்படையாக கொண்டே ATM இயந்திரத்தை கண்டுபிடித்ததாக கூறுகிறார்.அப்போதே PIN எண்ணை உள்ளீடும் முறை கண்டுபிடிக்கப்பட்டு விட்டது.முதலில் ஆறு எண்களை கொண்டு PIN எண்ணை உபயோகிக்கலாம் என நினைத்த அவர் மனைவி நான்கு எண்களுக்கு மேல் தன்னால் நினைவில் வைத்து கொள்ளமுடியாது என சொன்னதால் ஷெபர்ட் நான்கு எண்களை ATM இயந்திரத்திற்கு PIN எண்ணாக வைத்தார்.அதுவே இன்று உலக அளவில் எல்லா ATM இயந்திரங்களிலும் உபயோகப்படுத்தப்படுகிறது.

ரெக் வார்னி முதன் முதலாக ATM மூலம் பணம் எடுக்கும்போது

முதல் முதலில் ATM இயந்திரத்தை உபயோகப்படுத்தி பணம் எடுத்தவர் இங்கிலாந்து தொலைக்காட்சி நாடக நடிகர் ரெக் வார்னி(Reg Varney).ஒரு முறை உபயோகித்தால், ஒரு 10 பவுண்ட் நோட்டை மட்டுமே மெல்லிய காகித பையில் வைத்து கொடுத்தது இந்த முதல் ATM இயந்திரம்.

உலகின் முதல் தொடுதிரை 3 ஜி செல்பேசி கைகடிகாரம்:வீடியோ

2009-02-24T09:10:00.005-05:00

இதுவரை ஜேம்ஸ் பாண்ட் படங்களில் மட்டும் பார்த்துக்கொண்டிருந்த இது போன்ற சாதனம் தற்போது சந்தையில் விற்பனைக்கு வரவுள்ளது.LG நிறுவனம் வெளியிட்டுள்ள இந்த உலகின் முதல் தொடுதிரை(Touch Screen)3 ஜி செல்பேசி கைகடிகாரம்,தற்போது சந்தையில் உள்ள
3ஜி செல்பேசிகளை விடவும் சிறப்பான வசதிகளை கொண்டுள்ளது.சில வாரங்களுக்கு முன்பு லாஸ் வேகசில் நடைபெற்ற நுகர்வோர் மின்னணு கண்காட்சியில் பொதுமக்களுக்கு முதலில் காண்பிக்கப்பட்ட இந்த கைகடிகாரத்தின் சிறப்பம்சம் நம் பேச்சை புரிந்து கொள்ளும் திறமை(Speech recognition)மற்றும் குரல் ஆணைகள்(Voice Commands).

சில செல்பேசிகளில் இந்த அம்சம் இருந்தாலும்,இந்த செல்பேசியில் இது மிகவும் மேம்படுத்தப்பட்டுள்ளது.ஒருவரை தொலைபேசியில் அழைக்கவும்,இதில் உள்ள mp3 ப்ளேயரை உபயோகித்து பாடல் கேட்கவும் குரலால் ஆணையிட்டால் போதுமானது.தொடுதிரை வசதி வழக்கம்போல அசத்தல்.மேலும் mp3 பிளேயர்,ப்ளுடூத் வசதிகளையும் கொண்டுள்ளது.இதனோடு ப்ளுடூத் ஹெட் செட்டும் இணைந்தே வருகிறது.இந்த தொடுதிரை செல்பேசி கைகடிகாரம் பற்றிய துல்லிய வீடியோவை காணுங்கள்.

இரு ஆஸ்கர் விருதுகளோடு ரஹ்மானின் பேட்டி- வீடியோ

2009-02-23T01:14:00.003-05:00

இரண்டு ஆஸ்கர் விருதுகளையும் வென்ற பின்னர் விருதுகளோடு ரஹ்மான் ஒளிப்படங்களுக்கு அமர்வது, மற்றும் சிறு பேட்டியின் வீடியோ.

ஹாலிவுட்டை தாக்கிய தமிழக இசைப்புயல்:இரண்டு ஆஸ்கர் விருதுகளை வென்றார் ரஹ்மான்

2009-02-22T23:02:00.003-05:00

தற்போது ஹாலிவுட்டில் கொடாக்(Kodak) அரங்கத்தில் நடைபெற்றுவரும் 81 வது ஆஸ்கர் விருதுகள் வழங்கும் விழாவில் Slumdog Millionaire திரைப்படத்திற்காக சிறந்த
பாடலுக்கான பிரிவில் A.R.ரஹ்மான் மற்றுமொரு ஆஸ்கர் விருதை வென்றார். போட்டியிட்ட இரு பிரிவுகளிலும் வென்றார் ரஹ்மான்.

ஆஸ்கர் வென்றார் A.R. ரஹ்மான்

2009-02-22T13:27:00.012-05:00

சற்று முன் கிடைத்த தகவல்.தற்போது ஹாலிவுட்டில் கொடாக்(Kodak) அரங்கத்தில் நடைபெற்றுவரும் 81 வது ஆஸ்கர் விருதுகள் வழங்கும் விழாவில் Slumdog Millionaire திரைப்படத்திற்காக சிறந்த இசையமைப்புக்கான பிரிவில் A.R.ரஹ்மான் ஆஸ்கர் வென்றார்.பலத்த கரவொலிகளுக்கு இடையே மேடையேறிய ரஹ்மான் அனைவருக்கும் நன்றி தெரிவித்த ரஹ்மான் தமிழில் எல்லா புகழும் இறைவனுக்கே என்று கூறி விடைபெற்றார்

விரைவில் ரஹ்மான் ஆஸ்கர் பெற்ற வீடியோவை பதிவிடுகிறேன்.

ரோபோக்கள் சமைக்கவும் ஆரம்பித்து விட்டன

2009-02-19T00:35:00.005-05:00

நம்ம ஊர் ஊத்தப்பம் போன்ற இந்த ஒகநோமியாகி(Okonomiyaki)என்னும் ஜப்பானிய உணவு வகையை மோட்டோ மேன்(Moto Man)என்னும் ரோபோ தயார் செய்கிறது.எந்த மாதிரியான சுவையில் வேண்டும் என்று வாடிக்கையாளரிடம் கேட்டு அதன் படி சமைக்க தெரியும் இந்த ரோபோவிற்கு.கிண்ணத்தை வழித்து மாவை ஊற்றி அந்த ஊத்தப்பத்தை திருப்பி போடும் லாவகம் அருமை.ரோபோ மாஸ்டரிடம் முறுகலான நெய் ரோஸ்ட் போடச் சொல்லிவிட்டு ஆசுவாசமாக உணவகத்தில் அமரும் நாள் விரைவில் வந்துவிடும் போல தெரிகிறது :-))

மீன் வேட்டையாடும் பறவை: மாறுபட்ட கோணத்தில்

2009-02-17T22:37:00.004-05:00

வித்தியாசமாக கேமராவை வைத்து எடுக்கப்பட்ட சிறிய வீடியோ

The International-திரைப்பட முன்னோட்டம்

2009-02-13T23:29:00.010-05:00

இந்த திரைப்படத்தின் இயக்குனர் Tom Tykwer இதற்கு முன் Perfume,Run Lola Run போன்ற திரைப்படங்களை இயக்கியுள்ளார்.ஒரு வங்கி செய்யும் ஊழலை கண்டுபிடிக்கும் அதிரடி திரைப்படம் The International.

முதன்முறை அமெரிக்க,ரஷ்ய சாட்டிலைட்டுகள் விண்ணில் மோதிக்கொண்டன

2009-02-13T08:29:00.007-05:00

கடந்த செவ்வாயன்று சைபீரியாவிலிருந்து 800 கிமீ உயரத்தில் பூமியை சுற்றிக்கொண்டிருந்த அமெரிக்காவின் இரிடியம்(Iridium) சாட்டிலைட்டும் ரஷ்யாவின் காஸ்மோஸ்(Cosmos) சாட்டிலைட்டும் மோதிக்கொண்டன.இந்த மோதலின் விளைவாக நூற்றுக்கணக்கான உடைந்த பகுதிகள் விண்ணில் பூமிக்கு மேலே 500 கிமீ முதல் 1300 கிமீ வரை தெறித்து ஏற்கனவே உள்ள பல ஆயிரக்கணக்கான விண்வெளி குப்பைகளுடன் விண்ணில் சுற்றிகொண்டுள்ளன.

இந்த மோதல் ஏற்பட்டதை விளக்கும் கணினி வரைபடம்.

(Source:Dailymail)
உலகில் முதன்முறையாக ரஷ்யா 1957 ஆம் ஆண்டு ஸ்புட்னிக் துணைக்கோளை விண்ணுக்கு அனுப்பியதிலிருந்து இன்று வரை 6000 துணைக்கோள்கள் விண்ணுக்கு அனுப்பப்பட்டு பூமியை சுற்றிவருகின்றன.அறிவியலாளர்களும் இது போன்ற ஒரு மோதல் நடக்கும் என்பதை அறிந்தே உள்ளனர். இந்த மோதல் நிகழ்ந்ததற்கு கீழே சர்வதேச விண்வெளி நிலையமும் சுற்றிகொண்டுள்ளது. வினாடிக்கு 8 கிமீ வேகத்தில் சுற்றிக்கொண்டிருக்கும் சர்வதேச விண்வெளி நிலையத்தை ஒரு சிறு குப்பை தாக்கினாலும் பெரிய அளவில் பாதிப்பு ஏற்படக்கூடும்.ஆனால் அமெரிக்க,ரஷ்ய துணைக்கோள்கள் மோதிக்கொண்டதன் விளைவாக ஏற்பட்ட குப்பைகள் சர்வதேச விண்வெளி நிலையத்தை பாதிக்காது என அறிவியலாளர்கள் கூறுகின்றனர். விண்ணில் ஆயிரக்கணக்கான துணைக்கோள்களுடன் மேலும் ஆயிரக்கணக்கான விண் குப்பைகள் எவ்வாறு பூமியை சுற்றிக்கொண்டுள்ளன என்பதை இந்த கணினி வரைபடம் விளக்குகிறது.
(Source:ESA)
ஏற்கனவே மூன்று முறை விண் குப்பைகள் துணைக்கோள்கள் மீது மோதியிருந்தாலும்,இரு துணைகோள்கள் மோதிக்கொள்வது இது முதன்முறை.பிபிசி யின் இதுபற்றிய சிறிய படத்தொகுப்பு இங்கே...

(Source:BBC)
அமெரிக்க துணைக்கோள் தகவல் தொடர்புகளுக்க்காகவும், ரஷ்ய துணைக்கோள் ராணுவ வசதிகளுக்காவும் முறையே 1997,1993 ஆம் ஆண்டுகளில் விண்ணில் செலுத்தப்பட்டது.இரிடியத்தின் எடை 560 கிலோ,காஸ்மோஸ் இன் எடை950 கிலோ.இதுபோன்று துணைக்கோள்களால் ஏற்படுத்தப்பட்ட குப்பைகள் இந்த வருட ஆரம்பத்தில் உள்ள கணக்குப்படி சுமார் 17000 இருக்கும் என எதிர்பார்க்கப்படுகிறது.

யாஹூ ப்ரீஃப்கேஸ்(Yahoo! Briefcase) மூடப்படுகிறது,கூகுளின் ஜிடிரைவ்

2009-02-11T23:43:00.008-05:00

பத்து ஆண்டுகளுக்கு முன்பு அறிமுகப்படுத்தப்பட்ட யாஹூ ப்ரீஃப்கேஸ்(Yahoo! Breifcase) சேவை வரும் மார்ச் 30ஆம் தேதியுடன் நிறுத்தப்படுகிறது.கோப்புகளை(Files) ஆன்லைனில் சேமிப்பதற்காக,யாஹூ மின்னஞ்சல் முகவரி இருந்தாலே உபயோகிக்கலாம் என 30MB தகவல் கொள்ளளவோடு தொடங்கப்பட்ட இந்த சேவையை யாஹூ பின்னாட்களில் ஏனோ விரிவுபடுத்தவேயில்லை.தற்போது மின்னஞ்சல் சேவைகளே GB அளவுகளில் தகவல் சேமிக்க தருகின்றன.மேலும் கோப்புகளை சேமிக்க விண்டோஸ் ஸ்கை டிரைவ், 4shared போன்ற இலவச சேவைகளும் களத்தில் இருக்கின்றன.இந்த நிலையில் யாஹூ நிறுவனம் இந்த ப்ரீஃப்கேஸ் சேவையை வரும் மார்ச் மாதம் 30ஆம் தேதியோடு நிறுத்தப்போகிறது.மார்ச் 30 ஆம் தேதிக்குள் அதில் சேமித்து வைத்துள்ள கோப்புகளை நாமே தரவிறக்கி வேறிடத்தில் சேமித்து கொள்ளலாம் அல்லது அழித்து விடலாம்.

மிக விரைவில் கூகிள் நிறுவனம் ஜிடிரைவ்(Gdrive) எனும் சேவையை ஆரம்பிக்கப்போவதாகவும்,ஓசையின்றி கூகிள் இந்த சேவையை தயார்படுத்திவருவதாகவும் கணினி தொழில்நுட்ப வல்லுனர்கள் எதிர்பார்க்கின்றனர்.ஆனால் இன்னும் உறுதிபட தெரியவில்லை.அவ்வாறு ஜிடிரைவ் வரும்பட்சத்தில் ஜிடிரைவ் மென்பொருளை கணினியில் நிறுவிய பின்னர் கோப்புகளை டெஸ்க்டாப்,இணைய உலாவி(Browser) மற்றும் செல்பேசிகளிலிருந்து என பல வழிகளில் நிர்வகிக்கலாம்.

கணினி சந்தையில் உலகின் முதல் 2 TB ஹார்ட் டிரைவ் விற்பனைக்கு வந்துள்ளது

2009-02-11T22:35:00.006-05:00

கணினி தொழில்நுட்பத்தில் தகவல்களின்(Data) அளவு நாளுக்கு நாள் அதிகமாகி கொண்டே செல்வது,அந்த தகவல்களை சேமிக்கும் சாதனங்களின் வளர்ச்சியை அதிகமாக்குகிறது.ஒரு காலத்தில் 10.2GB கொள்ளளவு கொண்ட அடர்தட்டை(Hard Drive) வாங்கியபோது இவ்வளவு அதிகம் தேவையா என வினவப்பட்ட நான் இப்போது 250GB உபயோகிக்கிறேன்.தற்போது வெஸ்டர்ன் டிஜிட்டல்(Western Digital)நிறுவனம் சில நாட்களுக்கு முன்பு கணினி சந்தையில் உலகின் முதல் 2TB(Tera Bytes) அளவு தகவல் கொள்ளும் அடர்தட்டை வெளியிட்டுள்ளது.

3.5 இன்ச் சுற்றளவில் நான்கு 500 GB தட்டுகள்(Platters) என 2TB (2000 GB) தகவல் கொள்ளளவு கொண்டுள்ள இந்த அடர்தட்டு மற்ற அடர்தட்டுகளை ஒப்பிடும்போது நாற்பது சதவீதம் குறைந்த மின்சாரத்தை உபயோகிக்கும்.மேலும் இயங்கும் போது சுற்றுப்புற சூழலை காக்க குறைந்த அளவு வெப்பத்தை வெளியிடும்.இதன் சுழல் வேகம் 7200RPM.

தகவல்களுக்காக சொல்வதென்றால்,இந்த அடர்தட்டில் டிவிடி தரத்தில் 880 மணிநேர வீடியோக்களை சேமிக்கலாம்.ஐந்து லட்சத்து எழுபத்து ஓராயிரம் டிஜிட்டல் ஒளிப் படங்களை(Photos) சேமிக்கலாம்.5 லட்சம் mp3 பாடல்களை சேமிக்கலாம்.

BAFTA வும் வென்றார் A.R. ரஹ்மான்-வீடியோ. Slumdog Millionaire க்கு ஏழு விருதுகள்

2009-02-09T08:48:00.003-05:00

ஆஸ்கர் விருதுகளை போலவே இங்கிலாந்தில் வழங்கப்படும் BAFTA(British Academy of Film and Television Arts) விருதுகள் நேற்று லண்டனில் வழங்கப்பட்டன.Slumdog Millionaire படத்திற்காக சிறந்த இசையமைப்பிற்கு இந்த ஆண்டின் BAFTA விருது பெற்றார் ரஹ்மான்.

கோல்டன் க்ளோப் விருதிற்கு பிறகு ரஹ்மானுக்கு கிடைத்திருக்கும் முக்கிய சர்வதேச விருது இது.Slumdog Millionaire திரைப்படம் சிறந்த திரைப்படம்,இயக்குனர்,திரைக்கதை,இசை,
ஒளிப்பதிவு,படத்தொகுப்பு,ஒலிப்பதிவு என 7 விருதுகளைப் பெற்றது.

மைக்ரோசாஃப்ட்டின் இலவச மென்பொருட்கள்.

2009-01-27T01:44:00.007-05:00

மைக்ரோசாஃப்ட் விண்டோஸ் XP,விண்டோஸ் விஸ்டா மற்றும் ஆபீஸ் பயன்பாட்டிற்கு 150 மென்பொருட்களை இலவசமாக தருகிறது.அனைத்தையும் ஒவ்வொன்றாக தேடி பிடிப்பது சிரமம் ஆதலால் இந்த பக்கத்தில் அனைத்தும் தொகுக்கப்பட்டுள்ளன.

http://bhandler.spaces.live.com/blog/cns!70F64BC910C9F7F3!1231.entry?wa=wsignin1.0

ஒபாமா பதவியேற்பு- ஒரு வித்தியாச தொழில்நுட்பப் பார்வையில்

2009-01-27T00:41:00.008-05:00

டேவிட் பெர்மன்(David Bergman) என்னும் புகைப்படக்காரர் ஒபாமா பதவியேற்று பேசும் போது ஜிகாபன்(Gigapan) என்னும் அதிநவீன புகைப்பட உபகரணத்தின் மூலம் 220 ஒளிப்படங்களை எடுத்து இணைத்து ஒரு பனோரமிக் ஒளிப்படத்தை உருவாக்கியுள்ளார்.கீழே சொடுக்கி அந்த படத்தை பார்க்கலாம். சுட்டியின் மூலம் ஜூம்(zoom) செய்து பாருங்கள்.VIP பார்வையாளர்களை கவனியுங்கள்.ஒபாமா என்னவோ சீரியசாக பேசி கொண்டிருக்கிறார்.பல பேர் தூங்கி கொண்டிருக்கிறார்கள் :-))

http://gigapan.org/viewGigapanFullscreen.php?auth=033ef14483ee899496648c2b4b06233c

A.R.ரஹ்மானின் புதிய இசை தொகுப்பு நோக்கியா கனெக்சன்ஸ்,திருக்குறளுக்கு இசை

2009-01-27T00:12:00.008-05:00

(எச்சரிக்கை: கீழ்க்கண்ட வீடியோவில் வரும் நிகழ்வை பொது வாழ்வில் முயற்சிக்கும்போது கவனம் தேவை) :-))

நோக்கியா செல்பேசி நிறுவனத்திற்காக A.R. ரஹ்மான் இசையமைத்துள்ள புதிய இசை தொகுப்பு "நோக்கியா கனெக்சன்ஸ்"(Nokia Connections).நோக்கியாவின் சமீபத்திய MusicXpress செல்பேசிகளில் உள்ளீடு செய்யப்பட்டு விற்பனை செய்யப்படுகிறது.விரைவில் கடைகளிலும் விற்பனை செய்யப்படும் என தெரிகிறது.ஆனால் இணையத்தில் படு சூடாக தரவிறக்கப்படுகிறது இந்த இசை தொகுப்பு.மொத்தம் 9 பாடல்கள்.திருக்குறளுக்கு இசை என்றவுடன் முதலில் அதை கேட்டு ரசித்தோம்.சுருக்கமாக அனைத்து பாடல்களை பற்றியும் பார்ப்போம்.

1) Jiya Se Jiya

பஞ்சாபி ஸ்டைலில் அமைந்துள்ள இந்த பாடல் விறுவிறுப்பான தாள கதியோடு முதல் முறை கேட்கும் போதே ஆட வைக்கிறது.நம்ம ட்ரம்ஸ் சிவமணி இந்த பாடலுக்கு வாசித்துள்ளார். வீடியோவிலும் வந்து ஆடுகிறார்.

Connections from பிரேம்ஜி on Vimeo.

2) Mann Chandre

நல்ல மெலடி.சிதாரும்,தபலாவும் இணைந்து பின்னணியில் இழைகிறது.சுக்விந்தர் சிங் உடன் பாடிய பாடகி யார் என்பது தெரியவில்லை.இரண்டாவது முறை கேட்கும் போதே பிடித்து போகிறது.

3) குறள்

ஒரு வித்தியாசமான இசை கலவை.கோரஸ் பகுதிக்கு பிறகு பெண் குரலில் ஆரம்பிக்கிறது. மனதை மயக்கும் இசை.பல முறை எம்மை கேட்கவைத்தது.நடுவில் ஒவ்வொரு குறளின் மொழியாக்கமும் ஆங்கிலத்தில் பாடப்படுகிறது.இதற்கு முன்னர் திருக்குறளுக்கு இசை அமைக்கப்பட்டுள்ளதா என தெரியவில்லை.

4) Silent Invocation - A

புல்லாங்குழலும்,தம்புராவும் மட்டும் கொண்டு அமைக்கப்பட்டுள்ள இசை.மிக மென்மையான இசை.

5) Sileent Invocation - B

சோகத்தை வெளிப்படுத்தும் இசை.புல்லாங்குழல் மற்றும் தம்புரா.மிக மென்மையான இசை கேட்பவர்களுக்கு மட்டும்.

6) Silent Invocation - C

புல்லாங்குழல் இசை மட்டும்.மீண்டும் மிக மென்மையான இசை.

7) Mylapore Blues

கர்நாடக சங்கீதத்துடன் மேற்கத்திய ப்ளூஸ் இசையை இணைத்து Fusion இசை.

8) Himalaya

மெதுவான பியானோ இசை திடீரென வேகம் பிடித்து சந்தூர் இசை கருவியோடு இணைகிறது.பனி மலை பிரதேசத்தில் உலவும் உணர்வை தருகிறது.

9) Mosquito

மோர்சிங் இசை கொசுவின் ரீங்காரத்தை ஏற்படுத்தி பின் சாரங்கி இசை முதன்மையாகிறது. நல்ல இசைக்கோர்ப்பு.

அமைதியான இசையை விரும்பி ரசிப்பவர்களுக்கு மிக நல்ல இசை தொகுப்பு.பாடல்களை தரவிறக்க

http://vellithiramusic.net/?p=1191

இணைய மக்கள் தொகை 100 கோடியை தாண்டியது

2009-01-27T00:06:00.005-05:00

சென்ற டிசம்பர் மாதம் 2008 கணக்குப்படி உலகில் இணையத்தை உபயோகிப்பவர்களின் எண்ணிக்கை 100 கோடியை தாண்டியது. Comscore நிறுவனத்தின் குறிப்பின் படி ஒவ்வொரு நாட்டின் இணைய உபயோகிப்பாளர்கள் எண்ணிக்கை இது.

சீனா 179.7 மில்லியன்
அமெரிக்கா 163.3 மில்லியன்
ஜப்பான் 60 மில்லியன்
ஜெர்மனி 37 மில்லியன்
இங்கிலாந்து 36.7 மில்லியன்
பிரான்ஸ் 34 மில்லியன்
இந்தியா 32.1 மில்லியன்
ரஷ்யா 29 மில்லியன்
பிரேசில் 27.7 மில்லியன்
சவுத் கொரியா 27.3 மில்லியன்
கனடா 21.8 மில்லியன்
இத்தாலி 20.8 மில்லியன்
ஸ்பெயின் 17.9 மில்லியன்
மெக்சிகோ 12.5 மில்லியன்
நெதர்லாண்ட்ஸ் 11.8 மில்லியன்

ஆக உலகில் 15 முதல் 22 சதவிகித மக்களே இணையத்தை உபயோகிக்கின்றனர்.மேலும் எந்த இணையதளங்கள் அதிகம் பார்வையிடப்பட்டது என்ற தகவலும் வெளியிடப்பட்டுள்ளது.
http://www.comscore.com/press/release.asp?press=2698

உடைக்கும் செய்தி:ஆஸ்கர் விருதுகளுக்கு A.R. ரஹ்மான் 2 பிரிவுகளில் 3 பரிந்துரைகள் பெற்றுள்ளார்.Slumdog Millionaire 10 பரிந்துரைகள் பெற்றுள்ளது.

2009-01-22T09:23:00.006-05:00

அடுத்த மாதம் பிப்ரவரி 22 ம் தேதி நடைபெறவுள்ள 81 வது ஆஸ்கர் விருது வழங்கும் விழாவை ஒட்டி சற்று முன் அனைத்து பிரிவுகளிலும் பரிந்துரைப்புகள்(Nomination) வெளியிடப்பட்டுள்ளன.A.R.ரஹ்மான் சிறந்த இசையமைப்பு, சிறந்த பாடல் என இரு பிரிவுகளில் மூன்று முறை பரிந்துரைக்கப்பட்டுள்ளார்.

Slumdog Millionaire படத்திற்காக சிறந்த இசையமைப்பு பிரிவின் கீழ் ஒரு முறையும், சிறந்த பாடல் பிரிவின் கீழ் இரண்டு பாடல்களுக்காக (இரண்டும் Slumdog Millionaire படத்திலிருந்து)இரு முறையும் என மூன்று முறை பரிந்துரைக்கப்பட்டுள்ளார்.Slumdog Millonaire திரைப்படம் சிறந்த திரைப்படம்,இயக்குனர்,ஒளிப்பதிவு,எடிட்டிங்,ஓலிப்பதிவு எடிட்டிங்,ஒலி இணைப்பு,திரைக்கதை என்ற பிரிவுகளில் பரிந்துரைக்கப்பட்டுள்ளது.

மேலும் செய்திகளுக்கு கீழே உள்ள தொடுப்பை சொடுக்கவும்.

http://www.oscars.org/awards/81academyawards/nominees.html

A.R.ரஹ்மானின் டெல்லி-6

2009-01-20T08:45:00.007-05:00

டெல்லி 6 என்பது டெல்லியிலுள்ள சாந்த்னி ச்சவுக்(Chandni Chowk)என்னும் பரபரப்பான வணிகப் பகுதியை குறிக்கும்."ரங்க் தே பசந்தி" இயக்குனர் ராகேஷ் ஓம்ப்ரகாஷ் தனது சிறுவயதில் அங்கு வாழ்ந்த நினைவுகளின் அடிப்படையில் இப்படத்தை எடுத்துள்ளதாக தெரிகிறது.வரும் பிப்ரவரி 20ம் தேதி வெளியாகிறது.

டெல்லி 6 from பிரேம்ஜி on Vimeo.

மற்றொரு தொடுப்பு
Delhi 6

40 நொடிகளில் ஒரு வருடம்

2009-01-20T08:25:00.004-05:00

எரிக் என்பவர் தனது Canon 400D கேமரா மூலம் TimeLapse முறையில் எடுத்துள்ளார்.ஒலியும் இணைக்கப்பட்டுள்ளது.இந்த ஒளிப்படங்களை எவ்வாறு சலனப்படமாக மாற்றினார் என அவரது இணைய தளத்தில் கூறியுள்ளார்.

One year in 40 seconds from Eirik Solheim on Vimeo.

http://eirikso.com/2008/12/27/one-year-worth-of-images-give-some-amazing-videos

ஹாரிஸ் ஜெயராஜின் "அயன்" mp3 பாடல்கள் தரவிறக்க...

2009-01-19T23:50:00.002-05:00

ஹாரிஸ் ஜெயராஜின் "அயன்" mp3 பாடல்கள் தரவிறக்க...

என்ன செய்வது? பொருளாதார நெருக்கடியால் நிறுவன லோகோக்களின் நிலைமை இப்படி...

2009-01-19T23:05:00.003-05:00

"கஜினி" திரைப்படத்தை பார்த்து தங்கமணிகளின் எதிர்வினை

2009-01-15T22:25:00.004-05:00

தேனிலவு கொண்டாடும் தம்பதியருக்கு கொடைக்கானல் ஹோட்டல் அதிரடி சலுகை

2009-01-15T22:13:00.006-05:00

கோல்டன் க்ளோப் விருது பெரும் முதல் இந்தியர்- A.R.ரஹ்மான் மற்றும் விருதுகளை அள்ளிய Slumdog Millionaire

2009-01-12T09:47:00.004-05:00

நேற்று நடைபெற்ற Golden Globe இன் 66 வது விருது வழங்கும் நிகழ்ச்சியில் Danny Boyle இயக்கிய Slumdog Millionaire திரைப்படம் சிறந்த திரைப்படம்,சிறந்த இயக்குனர்(Danny Boyle),சிறந்த திரைக்கதை(Simon Beaufoy)மற்றும் சிறந்த இசையமைப்பு(A.R.Rahman) என நான்கு பிரிவுகளில் வெற்றி பெற்றுள்ளது.இந்த விருதை பெரும் முதல் இந்தியராகிறார் A.R. ரஹ்மான்.

A.R.ரஹ்மான் கோல்டன் க்ளோப் from பிரேம்ஜி on Vimeo.

சத்யம் கம்ப்யூட்டர்ஸ் தலைவர் ராமலிங்க ராஜு பதவி விலகல்

2009-01-07T01:39:00.003-05:00

இந்தியாவின் நான்காவது பெரிய தகவல் தொழில்நுட்ப நிறுவனமான சத்யம் கம்ப்யூட்டர்ஸின் தலைவர் ராமலிங்க ராஜு பதவி விலகினார். சமீப காலமாக உலகவங்கி பிரச்சினை, மகன்களின் நிறுவனங்களுக்கு உதவ அவர்கள் நிறுவனங்களை வாங்க முடிவு செய்தது என பல்வேறு சர்ச்சைகளில் சிக்கிய ராமலிங்க ராஜு சற்று முன் தன் பதவி விலகலை அறிவித்தார்.நிறுவன கணக்கில் கைவைத்ததாக ஒத்துக்கொண்டுள்ளார்.கணக்கு காட்டப்பட வேண்டிய பணம் ஆயிரத்து இருநூற்று முப்பது கோடி ரூபாய் இருப்பதாக நம்பபடுகிறது.நிறுவன இயக்குனர்கள் முடிவுக்கு காத்திருக்கிறார்.தற்காலிகமாக ராம் மைனம்பட்டி தலைவராக இருக்கலாம் என தெரிகிறது.

விண்டோஸ் இயங்கு தளம்- ஒரு வரலாற்றுப் பார்வை

2009-01-06T21:07:00.004-05:00

உலகின் 90சதவிகித கணினிகளில் பயன்படுத்தப்படும் விண்டோஸ் இயங்குதளம்(Operating System)முதல் பதிப்பிலிருந்து,வரப்போகும் விண்டோஸ் 7 வரை அடைந்துள்ள மாற்றங்கள் மற்றும் முன்னேற்றங்களை படங்கள் மூலம் சுவாரஸ்யமாக அலசலாம்.

1) விண்டோஸ் 1.0

விண்டோஸ் இயங்கு தளத்தின் முதல் 7 பதிப்பை 1983 ஆம் ஆண்டிலேயே பில் கேட்ஸ் அறிவித்திருந்தாலும் ஆப்பிள் நிறுவனத்துடனான சட்ட சிக்கலில் மாட்டிகொண்டதால் 1985 ஆம் ஆண்டு தான் அறிமுகமானது. MS-DOS இயங்கு தளத்தின் நீட்டிப்பு போன்றே காணப்பட்ட இந்த இயங்கு தளம் தோல்வியடைந்தாலும் மல்டி டாஸ்கிங் மற்றும் சுட்டிக்கு(Mouse) ஆதரவு தந்தது.

2) விண்டோஸ் 2.0

ஆப்பிள் உடன் ஒப்பந்தம் செய்து கொண்டு ஆப்பிளின் மேக் இயங்குதளத்தின் சில வசதிகளை விண்டோஸ் 2.0 இல் அறிமுகம் செய்தது. இருந்தும் ஒப்பந்தத்தை மீறி 170 காப்புரிமை பெறாத வசதிகளை பயன்படுத்தியதாக மைக்ரோசாப்ட்டை, ஆப்பிள் நீதிமன்றத்திற்கு இழுத்தது தனிக்கதை.

3) விண்டோஸ் 3.0

1990 ஆம் ஆண்டு வெளியிடப்பட்டது. நினைவகத்தை சிறப்பாக கையாண்ட, புதிய வடிவில் வெளிவந்த இந்த பதிப்பே விண்டோசின் முதல் வெற்றிகரமான பதிப்பு. இரண்டு வருடங்களில் ஒரு கோடி வட்டுகள் விற்பனை செய்யப்பட்டது. இதன் பிறகே மைக்ரோசாப்ட் தன் முழு கவனத்தையும் இயங்கு தள சந்தையில் செலுத்தியது.

4) விண்டோஸ் 3.11

விண்டோஸ் 3.0 இன் மேம்படுத்தப்பட்ட பதிப்பே இது. பல் ஊடக(Multimedia)வசதிகள் அதிகப்படுத்தப்பட்டு வெளியானது.

5) விண்டோஸ் 3.11 NT

32 பிட் ப்ராசசர்களுக்காக உருவாக்கப்பட இந்த பதிப்பு,பொறியாளர்களுக்கும் பெரிய நிறுவனங்களுக்கு மட்டுமே பயன்பட்டதால் அவ்வளவாக வரவேற்பில்லாமல் போனது.

6)விண்டோஸ் 95

1995 ஆம் ஆண்டு வெளியான இந்த பதிப்பு பெரும் வெற்றி பெற்று உலகெங்கிலும் உள்ள மக்களை ஈர்த்தது. இந்த பதிப்பில் இன்டர்நெட் எக்ஸ்ப்ளோரர் இணைய உலாவியும் சேர்ந்தே வந்தது.ஸ்டார்ட் பொத்தான்,டாஸ்க் பார் போன்ற வசதிகள் இந்த பதிப்பிலிருந்தே ஆரம்பித்தது.

7) விண்டோஸ் 98

விண்டோஸ் 95 ஐ ஒப்பு நோக்கும்போது சற்று மேம்படுத்தப்பட்டு, FAT 32 கோப்பு வசதியுடன்,எக்ஸ்ப்ளோரர் உலாவி உள்ளீடு செய்யப்பட்டு வெளிவந்தது.

8) விண்டோஸ் 2000

2000 ஆம் ஆண்டு வெளியான NT வரிசை பதிப்புகளில் மேம்படுத்தப்பட்ட பதிப்பு.

9) விண்டோஸ் ME

இந்த வரிசையில் ஒரு தவறுதலான பதிப்பாக கருதப்படும் ME 2000 ஆம் ஆண்டு செப்டம்பர் மாதம் வெளியிடப்பட்டது. பாதுகாப்பு குறைபாடுகள், உறுதியற்ற தன்மையுடன் இருந்த இந்த பதிப்பு படு தோல்வியடைந்தது.

10) விண்டோஸ் XP

கோப்புகள் மேலாண்மை(File Management),பாதுகாப்பு,உறுதி,வேகம் என அனைத்து பிரிவுகளிலும் மேம்படுத்தப்பட்டு 2001 ஆம் ஆண்டு வெளியானது. இன்று வரை அலுவலகங்களில் உபயோகப்படுத்தப்படுகிறது.

12)விண்டோஸ் விஸ்டா

பார்வைக்கு புதிய மெருகோடு 2007 ஜனவரி மாதம் வெளியானது. பல மென்பொருட்கள் இந்த பதிப்போடு சரிவர இயங்காததால், மிக அதிக நினைவகத்தை எடுத்து கொள்வதால் பலர் விண்டோஸ் xp பதிப்பையே வைத்து கொண்டுள்ளனர்.

13) விண்டோஸ் 7

வெளியாகும் தேதி அறிவிக்கப்படாவிட்டாலும், சென்ற வாரம் சில டோரன்ட்(Torrent) தளங்களில் முறையற்ற பதிப்பு வெளியாகிவிட்டது. மற்றெந்த பதிப்புகளையும் விட வேகமானதாகவும் இருப்பதாக நம்பப்படுகிறது.

நன்றி: விக்கி

Defiance-ஆங்கில திரைப்பட முன்னோட்டம்

2008-12-30T08:24:00.006-05:00

தற்போது ஜேம்ஸ்பாண்ட் பாத்திரத்தில் நடித்து கொண்டிருக்கும் டேனியல் கிரேக் கதை நாயகனாக நடிக்கும் இப்படம் இரண்டாம் உலக போரின் போது ஜெர்மானியர்களிடமிருந்து தப்பித்த மூன்று யூத சகோதரர்கள், கெட்டோக்களில் அடைத்து வைக்கப்பட்டிருந்த 1200 யூத மக்களை காப்பாற்றுவது பற்றியது.

Dfiance from பிரேம்ஜி on Vimeo.

சென்னை-சிகாகோ,மும்பை விமான நிலையம் மற்றும் உறைய வைத்த பனிப்புயல்

2008-12-29T07:26:00.033-05:00

இரு வாரங்களுக்கு முன்பு சென்னையிலிருந்து சிகாகோ செல்லும் போது நடுவில் சிறிது நேரம் மும்பை விமான நிலையத்தில் காத்திருக்க வேண்டியிருந்தது.தாக்குதல்களுக்கு பிறகு ஒரு அமைதியான காலை நேரத்தில் மும்பை விமான நிலையம்.

சென்னையில் 34 டிகிரி செல்சியஸ் வெப்பத்தில் இருந்து விட்டு சிகாகோ வந்தடைந்தபோது விமான நிலையத்தில் வெப்பநிலை உறைபனிக்கு கீழே மைனஸ் - 10 டிகிரி செல்சியஸ் ஆக இருந்தது.அங்கிருந்து 200 கி மீ தொலைவில் இருக்கும் எங்கள் நகரத்தை அடைந்தபொழுது வெப்பநிலை மைனஸ் -15 டிகிரி செல்சியஸ்.அடுத்த நாள் பனிப்புயல் அடிக்கபோவதாக வானிலை அறிவிப்பு சொன்னது.நியூ ஜெர்சி மாகாணத்தில் பலமுறை பனித்துகள் வீழ்வை பார்த்திருந்தாலும்,வேலை மாற்றல் காரணமாய் இல்லனாய் மாகாணத்திற்கு வந்த பிறகு இந்த கொடுமையான பனிப்புயல் (Ice Storm)பார்ப்பது இதுவே முதல் தடவை.

மிக மிக குளிர்ந்த காற்று பரப்பிற்கு மேலே உள்ள வெம்மையான மேகம் மழை பொழியும் போது மழை துளிகள் அதி குளிர்விக்கப் படுகின்றன(Super Cooling).அதி குளிர்விப்பு என்றால் உறைபனிக்கு கீழான வெப்ப நிலையிலும் திரவத்தை(நீர்) கெட்டியாக்காமல் திரவ நிலையிலேயே வைத்திருப்பது.அப்படி அதி குளிர்விக்கப்பட்ட பனி மழை துளிகள் பூமியை வந்தடைந்து தரையின் மீது,பொருட்களின் மீது விழும்போது அப்படியே பனிக்கட்டிகளாக உறைந்து போகும்.இதுவே பனிப்புயல் எனப்படுகிறது.இப்படி பனி மழை துளிகள் பனிக்கட்டிகளாக உறைந்து சாலைகள்,மரங்கள்,மின் கம்பங்கள் அனைத்தும் பனிக்கட்டி அடுக்குகளால் மூடப்பட்டுவிடும்.

வாகனங்கள் செல்ல முடியாமல்,மக்கள் வீட்டை விட்டு வெளியே வந்தாலே தரைபரப்பு கடுமையாக வழுக்கி விடும்.பனிக்கட்டி அடுக்குகளால் போர்த்தப்பட்ட மரங்கள் அவற்றின் பாரம் தாங்காமல் உடைந்து வீழும்.மின் கம்பங்கள் சேதமாகும்.இவற்றோடு குளிர் காற்று வீசும் போது வெப்பநிலை மிக குறைந்து போகும்.பனிப்புயல் மிக கடுமையானது.

இரண்டு நாட்கள் நீடித்தது.சற்றே சிரமப்பட்டு பனிப்புயலின் போது,அதற்கு பின்னர் சில ஒளிப்படங்களை எடுத்தேன்.அடுத்த நாள் காலை மெதுவாக வீட்டிலிருந்து வெளியே வந்து எட்டிப் பார்த்தேன்.மிக மிக கடுமையான குளிர் முகத்தில் அறைந்தது.உள்ளே வந்து Weather.com வெப்பநிலை பார்த்தேன்.உறைபனிக்கு கீழே மைனஸ் - 20 டிகிரி செல்சியஸ்.என் முகத்தில் அறைந்த காற்றின் வெப்பநிலை மைனஸ் -29 டிகிரி செல்சியஸ்.நண்பர் ஹனுமந்தராவ் சொன்னார் "இல்லனாய் மாகாணத்திற்கு வருக.அடுத்த வாரம் தான் குளிர்காலமே ஆரம்பிக்கப் போகிறது"

பனிப்புயல் முடிந்து சூரியன் தோன்றிய போது

மரங்களின் மேல் பனிக்கட்டி அடுக்குகள்

சோதனை

2008-12-28T20:25:00.001-05:00

சோதனை

அதிவேக கேமராக்களின் சலனப்படங்கள்

2008-08-23T10:07:00.004-04:00

அதிவேக கேமராக்கள் பொதுவாக கண்ணிமைக்கும் நேரத்தில் நடந்து முடிந்து விடும் நிகழ்வுகளை அதிவேகமாக அதாவது வினாடிக்கு 1000 Frame கள் முதல் 100000 Frame கள் வரை படம் பிடிப்பவை.இவ்வாறு அதிவேகமாக படம் பிடிப்பதால் மிக வேகமான நிகழ்வின் ஒவ்வொரு அசைவையும் படம் பிடிக்க இயலும்.பொதுவாக தற்போது Phantom,Photron வகை கேமராக்கள் முன்னணியில் உள்ளன.கீழே உள்ள சலனப்படங்கள் வினாடிக்கு 2000 க்கும் மேற்பட்ட Frame கள் வேகத்தில் Phantom கேமராக்கள் மூலம் படம் பிடிக்கப்பட்டவை.

இது ஹம்மிங் பறவை.உலகின் மிக வேகமான மற்றும் சிறிய பறவை.இது சிறகுகளை அசைக்கும் வேகம் மட்டும் வினாடிக்கு 50 முதல் 60 தடவைகள்.

ஹம்மிங் பறவை from பிரேம்ஜி on Vimeo.

சோளப்பொறி from பிரேம்ஜி on Vimeo.

துளி from பிரேம்ஜி on Vimeo.

ஆப்பிள் from பிரேம்ஜி on Vimeo.

ஸ்ட்ராபெர்ரி from பிரேம்ஜி on Vimeo.

பலூன் from பிரேம்ஜி on Vimeo.

சொந்த அலுவல் காரணமாக இரண்டு வாரங்கள் சென்னை செல்வதால் பதிவுகளின் எண்ணிக்கை சற்று குறையும் என நண்பர்களிடம் சொல்லிக்கொள்ள விரும்புகிறேன்.

சற்றே குறை வேகத்தில்,மாறுபட்ட கேமரா கோணத்தில் போல்டின் 200 மீ உலக சாதனை

2008-08-21T11:00:00.006-04:00

நண்பர்கள் கிரி , சின்ன பையன்சென்ற பதிவில் கேட்டபடி நேற்று ஜமைக்காவின் யுசைன் போல்ட்(Usain Bolt) 200 மீ ஓட்ட பந்தயத்தில் நிகழ்த்திய உலக சாதனையை சற்று வேறுபட்ட கேமரா கோணத்திலும், குறைவான வேகத்திலும் கொண்ட வீடியோவை பதிவிடுகிறேன்.

1996 ஆம் ஆண்டு மைக்கேல் ஜான்சன் கடந்தது 19.32 வினாடிகளில்.இப்போது யுசைன் 19.30வினாடிகளில்.இதுவரை வேறு எவரும் 19.6 வினாடிகளுக்கு குறைவான நேரத்தில் இதுவரை கடந்ததில்லை.

பெய்ஜிங் ஒலிம்பிக் வீடியோக்கள் மிகவும் அரிதாகவே இணையத்தில் கிடைக்கிறது.கிடைக்கும் ஒன்றிரண்டும் ஒளி தரம் மிக குறைவாகவே உள்ளது.

Untitled from பிரேம்ஜி on Vimeo.

சிறப்பு ஒலிம்பிக் வீடியோ:யுசைன் போல்ட் 200 மீ போட்டியில் மீண்டுமொரு உலக சாதனை

2008-08-20T12:31:00.004-04:00

பெய் ஜிங் ஒலிம்பிக்கில் இன்று நடைபெற்ற ஆண்களுக்கான 200மீ ஓட்ட போட்டியில்,
யுசைன் போல்ட் 12 வருடங்களாக மைக்கேல் ஜான்சன் தக்க வைத்திருந்த சாதனையை முறியடித்து 19.30 வினாடிகளில் கடந்து புதிய உலக சாதனை படைத்தார்.மைக்கேல் ஜான்சன் 19.32 வினாடிகளில் கடந்திருந்தார்.முன்னதாக சில நாட்களுக்கு முன்னர் 100மீ பந்தயத்தில் ஒரு உலக சாதனை செய்தார் போல்ட்.அந்த பந்தயம் போலவே இந்த 200மீ பந்தயத்திலும் போட்டோ ஃபினிஷ் என்ற பேச்சுக்கே இடமின்றி மற்ற போட்டியாளர்களுக்கு வெகு முன்னரே வெற்றி கோட்டை கடந்தபோது போட்டி நடை பெற்ற பறவை கூடு அரங்கமே கரவொலியில் அதிர்ந்தது.

யுசைன் போல்ட் 200 மீ உலக சாதனை from பிரேம்ஜி on Vimeo.

சிங் இஸ் கிங்:மன்மோகன் சிங்கை வைத்து ஒரு வீடியோ விளையாட்டு

2008-08-20T00:12:00.006-04:00

சமீபத்தில் வீடியோ விளையாட்டுகளை தயாரிக்கும் நிறுவனம் ஒன்றின் இணைய தளத்தில் அறிமுகப்படுத்தப்பட்ட இந்த சிங் இஸ் கிங்(Singh is King)விளையாட்டு பரவலாக புகழ் பெற்றுள்ளது. சிங் இஸ் கிங் என்பது சமீபத்தில் வெளிவந்த ஹிந்தி திரைப்படம். நம்பிக்கை வாக்கெடுப்பில் மன்மோகன் சிங் வெற்றி பெற்றபோது சில தொலைக்காட்சி நிறுவனங்கள் சிங் இஸ் கிங் என நகைச்சுவையாக குறிப்பிட்டன.

இந்த விளையாட்டில் நம்பிக்கை வாக்கெடுப்பில் கவிழ்க்க காத்திருக்கும் எம்.பி க்கள், நாட்டின் பண வீக்கம்,பெட்ரோல்-டீசல் விலை உயர்வு,விவசாயிகள் பிரச்சினை,அணு சக்தி ஒப்பந்தம்,இடது சாரிகள்,பங்கு சந்தை என பல தடைகளை தாண்ட வைத்தால் பிரதமர் பதவியை தக்க வைக்க முடியும் என அமைத்துள்ளார்கள்.விளையாடும் முறை சுலபமானது. விளையாட்டு சில முறை விளையாடினால் எளிதாகும்.அரசியல் கருத்துகளுக்கு அப்பாற்பட்டு கீழே உள்ள தொடுப்பை சொடுக்கி கொஞ்சம் புன்முறுவலுடன் விளையாடலாம் அல்லது அதற்கும் கீழே உள்ள தொடுப்பில் தரவிறக்கம் செய்து கொள்ளலாம்.

குறிப்பு: முதல் 20 வினாடிகளுக்கு வரும் விளம்பரத்திற்கு பிறகு விளையாட்டு ஆரம்பிக்கும்.

விளையாட
Singh is King

தரவிறக்கம் செய்ய
Singh is King

நன்றி:Games2win

வியக்க வைக்கும் நீர் ஊற்று

2008-08-19T13:53:00.002-04:00

ஜப்பானில் ஹகாடா(Hakata)நகரில் உள்ள கேனல் சிட்டி(Canal City) என்ற வணிக அங்காடியில் வைக்கப்பட்டுள்ள செயற்கை நீர் ஊற்று இது.இங்க்ஜெட்(Ink jet)பிரிண்டரில் உபயோகப்படுத்தப்படும் முறைப்படி மிக மிக சிறிய குழாய்கள் உதவியுடன் கணினி மூலம் கட்டுப்படுத்தப்பட்டு நீர் ஊற்றப்படுகிறது.பலவிதமான உருவங்களை,எழுத்துக்களை இந்த நீர் ஊற்று காட்டுகிறது.இதில் வானத்தை காட்டி பின்னால் மின்னலோடு மழை பெய்வதாக காட்டியுள்ளது மிக சிறப்பாக வந்துள்ளது.அதே போல் அந்த பாதங்கள் மிகவும் அருமை.

நீர் ஊற்று from பிரேம்ஜி on Vimeo.

சிறப்பு ஒலிம்பிக் வீடியோ:உலகின் மிக வேகமான மனிதன்

2008-08-19T07:02:00.005-04:00

மூன்று நாட்களுக்கு முன்பு பெய்ஜிங்கில் ஒலிம்பிக் 100 மீ ஓட்ட பந்தயத்தில் ஜமைக்காவை சேர்ந்த யுசைன் போல்ட்(Usain Bolt)பந்தய தூரத்தை 9.69 வினாடிகளில் கடந்து புதிய உலக சாதனை படைத்து உலகின் மிக வேகமான மனிதன் என்ற பெயரை பெற்றுள்ளார்.

ஒவ்வொரு ஒலிம்பிக் போட்டிகளிலும் மிகவும் எதிர் பார்க்கப்படும் போட்டிகளில் முக்கியமானது 100 மீ ஓட்ட பந்தயம்.1988 சியோல் ஒலிம்பிக்கிலிருந்து ஆர்வத்துடன் இதை கவனித்து வருகிறேன்.இதற்கு முன்பு கடந்த மே மாதம் இவர் 9.72 வினாடிகளில் 100 மீ தூரத்தை கடந்துள்ளார்.இப்போது அவர் சாதனையை அவரே முறியடித்துள்ளார்.
இந்த நூற்றாண்டின் ஆரம்பத்தில் 100 மீ போட்டிகளில் குறைந்த பட்ச நேரம் ஆக 10.65 வினாடிகளில் கடக்கப்பட்ட 100 மீ தூரம் இப்போது 9.69 வினாடிகளில் கடக்கப்பட்டுள்ளது.

பொதுவாக 100 மீ பந்தயங்களில் போட்டோ பினிஷ்(Photo Finish) இருக்கும்.அதாவது போட்டியாளர்கள் அதிகம் பேர் 100 மீ வெற்றி கோட்டினை தொடும்போது கிட்டத்தட்ட ஒரே நேரத்தில் முடிப்பது போல் இருக்கும்.ஆனால்,இந்த போட்டியில் யுசைன் அருகில் கூட வரமுடியவில்லை.போட்டியின் முடிவில் யுசைன் கைகளை கீழே வீசாமல் முயற்சித்திருந்தால் இன்னும் குறைந்த நேரத்தில் ஓடியிருக்கலாம் என விளையாட்டு விமர்சகர்கள் கருதுகிறார்கள்.நீண்ட தேடலுக்கு பின்னரே இந்த வீடியோ கிடைத்தது.

உலகின் மிக வேகமான மனிதன் from பிரேம்ஜி on Vimeo.

Elevator Music - குறும்படம்

2008-08-13T13:11:00.003-04:00

Serdar Ferit என்பவர் இயக்கிய குறும்படம்.

குறும்படம் from பிரேம்ஜி on Vimeo.